Тексты
Вернуться к списку
| редактировать | удалить | Создать новый
| Статистика
| ? Помощь
Irina Sotnikova.
Pähomaičuz – Šoutjärven etnografižen muzejan kehitoitandaha
Источник:
Kodima. 2026. № 10 (403). С. 3
Irina Sotnikova
Pähomaičuz – Šoutjärven etnografižen muzejan kehitoitandaha
вепсский
Младописьменный вепсский
Karjalan rahvahiden sebruden kodiš mäni Karjalaižiden, suomalaižiden da vepsläižiden ezitajiden ištund Karjalan Valdkundan Pämehen ohjandusel. Sil pagištihe Šoutjärven vepsläižen etnografižen muzejan rados da holiš, turizman kehitoitandas karjalaižiden da vepsläižiden tradicionaližiš eländtahoiš da "Karjala"-etnokul’turižed matkad" -projektan todenzoitandas.
– Mel’kinan pertiš kehub elo, tehtas erazvuiččid azjtegoid, akcijoid, avaitas ozutelusid, joga voden tuleb 12-14 tuhad mest. No om völ Tučinan pert’, mitte kaičeb Suren Kodiman voinan istorijad. Vodelpäi 2012 se varastab endištamišt. Vodel 2023 oli tehtud endištandan projekt. Nece om lujas tärged meiden täht. I ku ozastub endištada necidä muštsijad, mö voim paremboitta muzejan kaluiden kaičendan oloid i enamba ozutada vähäluguižen vepsän rahvahan kaluid meiden kacujile, – sanui Šoutjärven muzejan pämez’ Natalja Anhimova.
Muzejas kaičese äi unikaližid vepsläižid kirjoid. Mugažo om äi fol’klormaterialoid, miččid kerazi Rürik Lonin ajades ekspedicijoihe, i nügüd’ muzejan radnikad varastaba, konz ned lähteba eloho.
