Тексты
Вернуться к списку
| редактировать | удалить | Создать новый
| Статистика
| ? Помощь
Marija Remšun talo on korjattu
Источник:
Oma mua. 2026. 28.10 (№ 42 (1832)). С. 2
Marija Remšun talo on korjattu
карельский: собственно карельское наречие
Новописьменный севернокарельский
Kalevalan pos’olkašša Marija Remšun talo šai uuvven katon, lämpimämmät ikkunat ta lujat portahat.
Tänä vuotena tašavalta lisäsi Karjalan kaikilla piirilöillä 10 miljonie rupl’ua tärkeijen tehtävien ratkaisomiseh ta alovehen kehittämiseh.
– Männyt vihmani kešä toi ilmi starinankertojan Marija Remšun talon propleman. Paikalliset eläjät šanotah taluo runonlaulajien musejokši. Vuosien kuluttuo istorijallisen talon katto lahosi ta alko vuotua. Monet tärkiet näyttelyesinehet ta koko rakennuš jouvuttih vuarah. Ka še on vältetty, kerrotah Kalevalatalo etnokulttuurikeškukšen spesialistit.
Kalevalan piirikunnan hallinto löysi mahollisuon työntyä ošan niistä varoista korjauštöih starinankertojan Marija Remšun talošša. Rakennukšešša vajehettih katto, luajittih ikkunat lämpimiksi šekä rakennettih uuvvet lujat portahat ta rappuset.
Talo, missä 1920–1930-luvulla eli starinankertoja Marija Andronovna Remšu on avattu kävijillä vuuvvešta 1984.
