Тексты

Sa armas olet kadajal dai kivel,
Sa armas järvil, koskil, mečäl, suol.
Ma tunnen, buite minun joga nivel
Tiä ruadau parem, omal kodoimual.

Sa armas olet millo syvyskullal.
On millo armas terveh viilei siä.
Ku talven tuhut huolitetah tulla,
Sa valgies sovas – armahembi vie.

Niil ruutil tarkoil, čomenduksil vähil,
Kui armahannu pyzyö talviteil?
On hälyy sinun aimo andilahil,
Sih nero suuri pidäy olla heil.

Sa armas millo miehen ruavol čomal,
Sil, kudual kuoltuu elos jatkua voit,
Sil, kudual sinä hyväl nerol omal,
Mintahto hyödyy rahvahale toit.

Min minä muadu mieräin, mieräin merii,
Min hyviä, čomua linnua minä näin,
Dai ečindöile ozan eulluh čerii,
A parahači – kodoirannal päin.