Тексты
Вернуться к списку | редактировать | удалить | Создать новый | История изменений | Статистика | ? Помощь
Čudosine rahvaz
Čudosine rahvaz
вепсский
Младописьменный вепсский
Konz
minun kodiman rahvaz pagižeb , ka minä kundlen melentartusiš i hüviš meliš primetin paginoiš erazvuiččid londusetomid virkehid .Nenid virkehid , ozaks , sanutas i mijal .Naku minä kut-se olin meletusiš , a mijak mindai iloks kuctas se Moiraks , se Ust’aks , se Annoikš , se Mot’oikš , se Varvoikš , a se ka i Pešakš ?Miččid tegoid minä tegen , midä mugošt minä radan , kut ičtäin vedän , miše mindai näritadas ninga , a ei toižin ?Miččed loštajad tabad oliba nenil mehil , miččed erazvuiččed manerad , mitte oli ičtazevedänd i tegod , miše heid jo amu ei ole , a nimed heiden tegihezoi nimijohtutesikš ?I minai tegihe melentartušt eläbzoitta nenid nimid ičein meles .Miku znamaks nägištin öl minä unen , kulištin , kut ken-se kucui mindai :
– Val’koi , Val’koi !.– i nimi , kudambal mindai kucui mamoi , kojazi päs . – Ku mahtad sanuda , ka sanu . Sanu , sanu , sanu ...
Abid om minei , miše om vähä jänu vepsläižid , kudambile tarbiž om minun kirjutez , nu da vastustada Jumalale ei sa .Kelle mi käsktud , ka se i rada !I minä radoin-ki .Nimiden muštoks , kudambid paksumba sanutihe , minä kirjutin ilosižid elostarinaižid .Naku ned om ozutadud teile , hüväd lugijad .
Čudosine rahvaz
вепсский
Младописьменный вепсский
–