Тексты
Вернуться к списку | редактировать | удалить | Создать новый | История изменений | Статистика | ? Помощь
Poigad
Poigad
вепсский
Младописьменный вепсский
Tuliba
kaivannoks koume našt .Siriči mäni vanh ukoine , väzui , ištuihe kivele lebaidamhas .
Üks’ naine sanub :
– Minun poig om mugoine vägekaz da udatikaz .Niken ei voi märitas hänenke vägel .
– A minun poigal om lujas čoma än’ . Nikel ei ole mugomad änt .
– Mikš sinä nimidä ed sanu ičeiž poigan polhe ? – küzuba susedkad .
– Ka midä sanuda ? – andab vastust naine . – Hänes ei ole nimidä erazvuittušt .
Otiba naižed täuded vädrad vet i läksiba kodihe .A ukoine läksi heiden taga .Astuba naižed , seižutasoiš .Käded oma kibedad , vädriš vezi läikab , sel’gän porotab .
Äkkid koume prihašt jokseba vastha .Üks’ kändab kukirikkuid , käzil astub – naižed ihastuba hänehe .Toine pajatab čomal änel – naižed kundleba händast .A koumanz’ joksi mamannoks , oti hänel jügedad vädrad i kandiši kodihe .
Naižed küzuba ukoižel :
– Nu kutak oma meiden poigad sinei ?
– A kus-žo hö oma ? – sanub uk vastha . – Minä vaiše ühten poigan nägen !
Poigad
вепсский
Младописьменный вепсский
–
–