Тексты
Вернуться к списку | редактировать | удалить | Создать новый | История изменений | Статистика | ? Помощь
Azor
Azor
вепсский
Младописьменный вепсский
Azor ei
olend lükäitud koir .Hänel oma ižandad , no mindai-ki hän ei unohtand : a voib olda , en-ik anda luhut ?Azoran karv oli vauged ruzakhidenke tipuidenke , sil’mäd oma mugoižed čudokahad kofejan vuittušt mad .
Konz minä kezaehtoil ištuin pordhil , hän lastiše minun kombuihe i kacub mugoičenke spasiboičendanke , todesidenke i miččenke-se hubanvarastusenke , miše minä sid’-žo andan hänele söda .
Sid’ hän panese läheli , sibitelese , kacub bokaspäi kofemujuižil sil’mil i nägub , miše hänele om čoma .No oli Azoral viga –čomase oli ei kaiken ...Hänel oli sur’kulu problem – torates emäs päliči kärbuindan aigal hänel , völ norikaižel , rebitiba korvan .
Ezmäi hän ei mujand kibud i meleti : ”Ka nimidä , tühjad radod !Spraviše kuti koiral !”Korvan rebitez vedoizihe , no korv jäi rippumaha i saupsi korvan karan .Jäl’ges tegihe paiže i zavodi vodada vatišk .Mi voz’ kibu saihe süvemba , Azor punoti päl , miše händast küksta , no kibu ei hajedand .Surm jo seižui läheli i kut-se voiži vaumita koiran mokad .
Minä varastin händast hätken .Mecas jo tönduiba sened , a Azor ei astund .Häneta minä varaidan putta pihkhu , a hän navedi meckävelusendoid .Vaiše minä
lähtlin irdale vaihidenke : ”Azor , aida mecha !”– hän sid’-žo zavodi punotas i oli mecas uskoline sebranik .
Nügüd’ , konz Azorad ei tehnus , minä en anda söndad ni ühtele koirale , paremb lükäidan sömjäl’gid , vaiše ku nikeda en harjotata .Surmhasai om žal’ , konz sebranikad koleba !
Azor
вепсский
Младописьменный вепсский