Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Košeleva. Suomes mäni XV Venälaiž-Suomalaine kul’turforum
Maria Košeleva
Suomes mäni XV Venälaiž-Suomalaine kul’turforum
вепсский
Младописьменный вепсский
Kul’tur
: Forumaha ühtni karjalaine delegacii , miččen ohjandajan oli Karjalan valdkundan varapämez’ Valentina Ulič .
Necil vodel čomas Suomen Oulu-lidnas mäni XV Venälaiž-Suomalaine kul’turforum , mitte oli tehtud 29.09.-01.10.2014.Sen nimi oli ”Pohjoižen kul’tur – elon vägi ”.
Foruman ühtnikad azotiba kosketusid kul’turan da taidehen ümbrištos .Forumaha ühtni äi erazvuiččid kul’turan da taidehen ezitajid Venämalpäi da Suomespäi .
Lidn vastsi kaikid tulijoid hüväl päipaštokahal säl .Paginad kesknezoi zavodihe sügüz’kun 30.päiväl Oulu-lidnan teatras , mitte sijaidase Oulu-jogen randal .Karjalaižed ühtnikad pagižiba suomalaižidenke ühtesradnikoidenke .Taričendad oli sidotud tärktembihe 2015 voden kul’turazjtegoihe .Nenihe azjtegoihe mülüba Literaturan voz’ , Kalevala-eposan sündundpäiv da Jan Sibeliusen sündundpäiv .
Ühtnikad pagižiba udes ühthižtös da azjoiš , miččed om jo tehtud .Foruman programm oli täuz’ melentartuižid radoid .Oliba erazvuiččed seminarad da diskussijad kul’turan da taidehen temoiden mödhe .Karjalan kul’turan ministr Jelena Bogdanova oli diskussijan moderatoran .Sen diskussijan nimi oli ”Pohjoižen kul’tur – elon vägi ”.
Üks’ tarbhaižiš azjoišpäi oli se , miše forumal ozateldihe Suomi-Venäma-sebrad , kudambale täl vodel täudui 80 vot .Nece sebr lujas abutab kul’turan da taidehen tegemižes Venäman da Suomen keskes .
Ehtal foruman ühtnikoiden täht oli tehtud čoma kul’turprogramm .Ezmäižel ehtal Oulun teatras oli koncert , miččel eziniba Piterin muzik joukud : ”Teremkvartet ” da ”Oulu All Star-Big Band ”.Toižel päiväl Oulun konservatorijas oli simfonian orkestran koncert ”Carmina Burana ”.
Petroskoin universitetan baltianmeren-suomalaižiden keliden kafedran üläopenikad mugažo ühtniba forumaha .Hö oliba kändajin da abutiba toižile ühtnikoile paginoiš .
Tulijal 2015 vodel Kul’turforum linneb Karjalan pälidnas – Petroskoiš .Varastam sidä da toivotam ühtnikoile uzid mel’vehid da ühtesradnikoid !
Suomes mäni XV Venälaiž-Suomalaine kul’turforum
вепсский
Младописьменный вепсский