Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Sotnikova. Rata rahvahan hüvüdeks
Irina Sotnikova
Rata rahvahan hüvüdeks
вепсский
Младописьменный вепсский
Ozuteluz
: Kundaližed organizacijad tundištoitiba ristituid ičeze radonke .
Kül’mkun 22.päiväl Petroskoiš Lapsiden da noriden sädaipertiš mäni ozuteluz , miččel oli ezitadud 30 kundališt organizacijad .Se oli tehtud Karjalan valdkundan rahvahaližen politikan ministerstvan rahatugele .Ozutelusehe ühtni enamb 700 mest .
Necil päiväl Lapsiden da noriden sädaipert’he kerazihe äi rahvast .Ozutelusen ühtnikoiden da kävujiden täht oli tehtud melentartuine programm .Hö voiba tundištadas rahvahaližiden organizacijoidenke da niiden radonke , mittušt ned tegeba ičeze rahvahan hüvüdeks .Ozutelusen aigan organizacijad ezitiba projektoid , rahvahaližid kost’umoid , literaturad kodikelil i äi tošt .
Mugoižiden organizacijoiden keskes oli Vepsän kul’tursebr -ki .Se äjan tegeb vepsän rahvahan , sen kul’turan da kelen kaičendan täht .
Ozutelusel Vepsän kul’tursebr eziti ičeze uden projektan .Nece om uz’ fil’m vepsän kelel kalatusen polhe ”Sel’ktas vedes kala kokib ”.Mugažo ozutelusen aigan ristituil oli voimuz tundištadas toižiden -ki vepsläižiden fil’moidenke – ”Živatad vepsläižiden elos ” da ”Vepläižen kodin südäin ”, i muite tedištada Vepsän kul’tursebran rados .Ozutelusel oli ezitadud äi toižid -ki tarbhaižid organizacijoid , miččed abutaba pätta problemoid ristituiden elos .
Kaik tulijad voiba ühtneda mastar’-klassoihe erazvuiččiden rahvahaližiden radonmahtoiden mödhe i tehta muštlahjoid da tehmusid tohespäi , biseraspäi , tahthaspäi ičeze käzil .Adivoiden edes eziniba erazvuiččed rahvahaližed pajo - da kargkollektivad .Aigtegon lopus kittihe organizacijoid ühtnendas ozutelusehe i anttihe niiden ohjandajile diplomoid aktivižes rados .
Tuli melentartuine vastuz , mitte toi ristituile hüväd mel’t , andoi heile voimust kosketadas toine toiženke , vajehtadas mahtištol .Toivon , miše nece ozuteluz tuleb hüväks tradicijaks , i se tehtas kaikuččen voden .
Rata rahvahan hüvüdeks
вепсский
Младописьменный вепсский