Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Sotnikova. Lugem da kirjutam vepsäks!
Irina Sotnikova
Lugem da kirjutam vepsäks!
вепсский
Младописьменный вепсский
Openduz
: Päžjärven da Pondlan eläjad openzihe lugemaha da kirjutamha vepsän kelel .
Heinkun augotišes projekt ”Культурный десант ” zavodi ičeze radon .Vepsän kelen kursad oli tehtud Vologdan agjan Babajevon rajonas , Päžjärv’ - da Pondal-küliš .Nenid kursoid vedin minä , necen kirjutesen tegii .Kursiden täht oli tehtud ”Radlehtik ”, miše opeta rahvast lugemaha da kirjutamha vepsän kelel .
Kezal küläs ristituil om äi radoid pertiš , linmal , pöudoil .Äjad käveleba kalatamha da mecha marjoihe i babukoihe , sikš oli jüged kerata rahvast ühthe .No ned , kel oli sur’ taht opetas lugemaha da kirjutamha vepsän kelel , jätiba ičeze radoid i tuliba kursile .
Ezmäižed vepsän kelen kursad oliba Päžjärves .Nügüd’ sigä eläb läz 74 mest .Neciš küläs lujas hüvin kaičihe vepsän kel’ .Keskvepsläine pagin kulub kaikjal : kodiš , laukas , irdal ...
Päžjärves kel’kursad mäniba kul’turpertiš .Niihe ühtni üks’toštkümne mest .Ezmäižel päiväl tuliba lapsed , toižel päiväl – külän vanhembad eläjad .
Päžjärvelaižed lapsed hüvin el’gendaba vepsän kel’t , a erased heišpäi pagižeba ičeze kelel kodiš .Heile oli lujas melentartušt lugeda da kirjutada vepsäks .I pidab sanuda , miše nece azj heil läksi lujas hüvin .
Toižel päiväl kursile tuliba vanhembad ristitud .Ken jo tezi latinalaižid kirjamid , heile oli kebnemb lugeda da kirjutada vepsäks .A ken nägi vepsläižid kirjamid ezmäižen kerdan , heile oli jügedamb .No konz ristitud oliba harjenuded lugemaha i kirjutamha vepsän kelel , nece azj heil mugažo läksi lujas hüvin .
Toine sija , kus mö tegim kel’kursad , oli Pondal-külän Vepsän kul’turan muzei .Se starinoičeb vepsän rahvahan elos , istorijas , veroiš da tradicijoiš .Nügüd’ Pondalas eläb läz 32 mest .Kesketi rahvaz pagižeb ičeze kelel , a lugeda da kirjutada ičeze kelel äjad mugažo ei mahtkoi .
Sid’ kursile tuli seičeme mest , niiden keskes oliba kut lapsed , muga vanhembad-ki ristitud .Hö hüviš kirmeliš openzihe lugemaha da kirjutamha kodikelel .
Tämbei kaik literatur , Kodima-lehtez , Kipinä-kulehtez , Verez tulleial’manah paindas vepsän kirjkelel .Sikš meile pidab opeta rahvast ei vaiše lugemaha i kirjutamha vepsäks , no mugažo tundištoitta heid vepsän kirjkelenke , miše külälaižed ristitud voižiba tundištoittas lähtud vepsläižen literaturanke da tedištada , mi tegese ümbri vepsän rahvahas koumes regionas – Vologdan da Piterin agjoiš i meil Karjalas .
Nened kursad tuliba mel’he , kut lapsile , muga vanhembile-ki .Kaik ”openikad ” otiba radlehtikoid kerdale , miše edemba-ki harjoiteldas lugemaha da kirjutamha vepsäks da muite muštoks .
Sur’ spasib Ol’ga Smirnovale i Vera Mednikovale , kudambad tedotiba eläjid kursiden polhe da abutiba tehta niid .
Lugem da kirjutam vepsäks!
вепсский
Младописьменный вепсский