Тексты
Вернуться к списку | редактировать | удалить | Создать новый | История изменений | Статистика | ? Помощь
Vingl (Ülenzoitnus mö unohtim endišt)
Vingl (Ülenzoitnus mö unohtim endišt)
вепсский
Младописьменный вепсский
Kaks’
mest koumen hebonke päzuiba mecaspäi nitröunale i sid’-žo särahtiba : mustan lindun än’ azoti nenid matknikoid .Vinkten , must lind peksihe üläs-alas , üläs-alas , harvašti maihuti kehkeragjaižil suugil i vingui , vingui !
Matknikad laskihe nitudme jogennoks i ozaižihe čupuhu : huralpäi , korktoiden mürkiden randoiden keskes , karadme , hilläšti šolaiden jokseb Šokš-oja .Vägen-ki kadoti se siloi , konz urzi-ratkišti Vepsän ülüsen …Edespäi , mugažo korktoiden sel’goiden keskes , matknikoile vastha jokseb Oja .Se , kuti ei riža Šokš-ojan ližad , rigehtib nägištamhas Süvärenke .
…Korktemba kazvol mez’ ruši raudpaidan , alasobad i käski amunta katl’aižel vet Šokš-ojaspai :
– Vala harjoile da hibjale ! – Verele purdud-näpitud käzil hond mez’ amunzi sel’ktad , lämäd , kuti maid lehman alpäi , vet katl’aižel vägekahale hibjale . Jal’ges , pühkten hibjad pölvazpalal , sanui :
– Täl ehtkoižel void naida .
– Tat sanui : ”Naitan siloi , konz sinä , poig , minei käzile paned Orgjärviden eländsijan kuvatusen andmused ”... Sinä , Mörkoi , ala gonoši minun henged !Rikondveič minai om terav !– must lind pölähti , holišpäin peksihe da vingui pordon . – Linned eläb i terveh ”kuvatusen ” tegendan aigan . Kehitoita nece azj !Küläs raccastai küzeleb vanhal ukol külän da järviden polhe .Uk hondoin kuleb da venän-ki kel’t ei teda .
– …ka sinun-se külän nimi sanu !…Kut sindai kuctas ?…ed teda !? – rändui raccastai . – Minun nimi om Dron ! – täputab kämnel rindan , no uk ei el’genda , ei anda vastust . Necil aigal ukon kodinikad varaidamata ümbärziba ezitatad , a raccastajan edehe ličihe naine i , maihutaden kädel pidust’ küläd , kidasti :
– Edemba !Edemba !
– Astkam edeleze , – sanui Merkulai . – Päiväine jo ehthapäi , a znamoid kuvatusen polhe en voi kirjutada .
Irdal , seinän veres laučal ištub ei ravaz vägekaz mez’ .Hän jo kuli külän uzišton i oli ladnus kucta matknikoid ičeze pert’he …
Sömlaudanno loičendan lopus Mörkoi hambasti kalaižen i sid’-žo risti sil’mäd .Naižed-emägad magukahašti vaumičiba kalaižid i čomin levitiba niid tellil .Duhakahad kalaižed noustatiba litud – tirpand oli ani lopus !
...Ižand lugematoman kerdan ližadeli olut adivoiden mal’l’oihe i sanui :
– Olgat tervhed da melekahad ... Minun olut puhtastab südäinelimid , noustatab melentartust teiden azjas .Homendesel midä-ni ka el’gendaškandem ...
Hol’meližen pit’khibusižen pän Mörkoi ligoti-čuklaiži Ojaha , hosi sen kämnil , hosi paižotanuden modon i voivotaden muštišteli : ”Ehtal pagižlii ižand adivoičeti čo-o-min …o-o-hohoi …kala…hu-u-u .Sunulic …sulenc .Fu-u-ui .Olen jo minä lugenus , a …Br-r .Videl …videl …vinojel .Hm , Vin delau ?Nu i nazvanije !...Vinno ?”Mörkoi pani kämnen ocale , kuverdanse pidi muga .Konz heiti käden , ka nägišti modon …”Ha ! Vinnica ?Vinnica !”– Kidasti Mörkoi . Must lind lendahti i hätken vingui-näugoi toižen randan pal .Mörkoi kämnil taci modoho veden , puzerzi hibused , furskaiži i sanui : ”Vinojel ”.Muhaiten oigendaškanzi gurban i nägišti sapkad .Sapkiden säred – pit’käd .Niiš sapkoiš seižui kalanik .
Hän oli vönus levedal nahkvöl , kudambal ripui pit’kahk veič .Kalanik vaikti muhaiži .”Nägi mindai – uradan !” – tärzi-oleti Merkulai , no sid’-žo , kodvas päliči , küzui :
– Vess ?... Vinodel ?– ozuti kädel külan polhe ”. Kalanik oli korhotelnus värel’gendusespai , no sel’gendzoitnus , ihastusiš kidasti : ”Ka nece om minun Vingl !”– Must vingllind oli vaikti .
Vingl (Ülenzoitnus mö unohtim endišt)
вепсский
Младописьменный вепсский
–
–
–
–
–