Тексты
Вернуться к списку | редактировать | удалить | Создать новый | История изменений | Статистика | ? Помощь
Periodika ozuti ičeze painusid
Periodika ozuti ičeze painusid
вепсский
Младописьменный вепсский
Petroskoi-lidnan päiväl
Karjalan painištod da lehtmehed tundištoitaba ristituid ičeze painusidenke .Nece azjtego jo tegihe tradicijaks .Täl-ki vodel 27.päiväl kezakud Leninan prospektal oli tehtud lehtišton ozuteluztaho .Periodika-painišt-ki ühtni sihe .
Periodika-painišton ozuteluztahoil voi ostta painusid rahavahaližil kelil , tehta lehtesiden da kulehtesiden ezipakičesid .Enamab kaikid Petroskoin eläjad da lidnan adivod ostliba Lembikalendarin , mitte oli paindud Periodika-painištos täl vodel .
Paiči lehtišton möndad painišton radnikad tegiba erazvuiččid ilotuzazjtegoid .Kodiman da Kipinän toimitajad sanuiba suomalaižid , karjalaižid da vepsläižid ozoitesid .Se mez’ , ken ozaiži ozoitesen , oli pauklahjoitud .Karjalan Sanomat-lehtesen radnikad kodviba ristituiden tedoid Suomen polhe .Margarita Kemppainen , Oma Mua-lehtesen radnik , ozuti , kut ende akad paniba pähä paikoid .
Kaik azjtegod mel’dütoitiba siriči mänijid ristituid .Rahvaz surel tahtol ühtni kaikihe mastar’-klassoihe da arboihe .Eskai Karjalan pämez’ Aleksandr Hudilainen da Petroskoin pämez’ Galina Širšina oliba necil azjtegol .Hö tundištihe Periodikan painusidenke , ozateliba painišton radnikoid praznikanke da toivotiba heile hüväd lebud radon jäl’ghe .
Praznikališt il’mištod ližazi Toive-ansambl’an ezituz .Sen ühtnikad ihastoitiba ristituid rahvahaližil pajoil .
Mugoine azjtego andab painištoile voimusen löuta uzid lugijoid .Sen taguiči voib kingitada enamba tarkut da sündutada melentartust ristituiš rahavahaližehe literaturaha .Täl vodel Periodika-painištol oli koume mugošt ozuteluztahod Petroskoi-lidnan päiväl .Painišton radnikad toivoba , miše nece azj tob ičeze satusid .
Periodika ozuti ičeze painusid
вепсский
Младописьменный вепсский