Тексты
Вернуться к списку | редактировать | удалить | Создать новый | История изменений | Статистика | ? Помощь
Školan sauptamine – külän kolend!?
Školan sauptamine – külän kolend!?
вепсский
Младописьменный вепсский
Heinkun
keskes Timošino-külän eläjad tegiba piketan Babajevon raicentras .Hö ei tahtoigoi , miše heiden školas valdkundmehed sauptaižiba vanhembid klassoid .Akcijale tuliba openikad , heiden kazvatajad da kaik , kelle ei ole üks’kaik nece azj .
Nügüd’ Timošinon školha kävub 60 last .Siš völ kaitas vepsän kul’turad , opetas vepsän kel’t .Ku sanuda tot , školas om vaiše vepsän kelen fakul’tativ , no se-ki om tarbhašt .Külän eläjad sanuba , miše kaikjalpäi voib kulištada – pidab kehitoitta ičeze rahvahan kul’turad …i sid’-žo saubatas školad .Kut sanuba piketan ühtnikad , valdmehed tahtoiba saubata školad küläs ühten sün taguiči – openikoiden lugumär om pen’ .Täl openduzvodel 10.-11.klassoihe mäneb viž openikad .Openikoiden kazvatajad oma mugošt mel’t , miše nece ei ole sü vanhembiden klassoiden sauptamižehe .Ku Timošinon školas ei linne vanhembid klassoid , ka openikoile tarbiž linneb ajada opendamhas toižehe sijaha , ozutesikš , Babajevoho .Nece om enamb sadad kilometrad .A se znamoičeb , miše muupäivin lapsile tarbiž eläda sigä internatas .Kazvatajile ei ole mel’he , miše lapsed eläškandeba edahan perehišpäi .Tarjoitas oigeta lapsid opendusele toižehe-ki küläha , mitte sijadase ei muga edahan , 30 kilometrad Timošinospäi .No sigä ei ole internatad .Akcijale tulnuded ristitud pidiba käziš plakatoid kirjutesidenke : ”Antkat lapsile sada openduz kodiküläs !”, ”Algat erigoitkoi lapsid kazvatajišpäi !”, ”Školiden sauptamine ei ole hüvä problemoiden pätand !”.Timošinon eläjad uskoba – ku saubatas škol , külä lujas pigašti koleb .
Material om ottud Internet-lehtpolespäi : http ://newsvo .ru
Školan sauptamine – külän kolend!?
вепсский
Младописьменный вепсский