Тексты
Вернуться к списку | редактировать | удалить | Создать новый | История изменений | Статистика | ? Помощь
Školvaihišton kogomuz
Školvaihišton kogomuz
вепсский
Младописьменный вепсский
Nece
uz’ školvaihišton bülleten’ om jo toine painuz .Ezmäine painuz läksi eloho vodel 2001.Sen tegijan oli Jelizaveta Haritonova .
Školvaihišton bülleten’ om tehtud niiden täht , ken opendab vepsän kel’t , pagižeb sil .Sihe mülüba sanad , miččid voib paksus kulda školan elos , miččid opendajad da openikad otaba paginaha kaikuččen päivän .Neciš painuses voib löuta kut kaikile tutabid sanoid , miččed jo oliba edeližes školvaihišton kogomuses , vajehnikoiš , openduzkirjoiš , a mugažo sanad , miččed openikoiden täht linneba uded .
Uzid sanoid om tehtud suffiksoiden , sanoiden ühtenzoitusen abul , a mugažo om ottud toiziš kelišpai .Nece bülleten’ , kut edelineki , om jagetud tempaloihe , ozutesikš : škol , klass , školan elo , openduz , školan kirjišt , školan sömsija , openduzkalud , sport , mel’düsed i m .e .
Nece uz’ školvaihišt oli täuttud da tarkišteldud vepsläžel oiktikirjutamižel komissijal .Udehe painusehe om ottud homaičusehe vepsän kelen opendajiden taričendad .
Pidab sanuda , miše nece bülleten’ linneb hüvän abunikan vepsän kelen opendajile i kaikile , ken tahtoib opeta kel’t .Se anttas kaikuččehe školha , kus opetas vepsän kel’t , kaikile , kenele se om mel’he i ken kävutab vepsän kel’t ičeze rados .
Školvaihišton kogomuz
вепсский
Младописьменный вепсский