Тексты
Вернуться к списку | редактировать | удалить | Создать новый | История изменений | Статистика | ? Помощь
M. Oblakov. Oiged sän endustuz
M. Oblakov
Oiged sän endustuz
вепсский
Младописьменный вепсский
Jäl’gmäižil
vozil ristitud kaik paksumba tedištaba säs Intenetaspäi .Internet-lehtpoled tarjoičeba meile ičeze sän endustusid .Mugoižed endustused paksus ei olgoi oiktad .Väran sän endustusen taguiči mö voim kastta jaugoid , vilustuda .Erašti voib tehtas toižid-ki ozatomusid .Tarkatoi sän endustuz om varukast meile .
Midä-žo tehta ?Meletagam ühtes !
Endevanhoiš aigoišpäi ristitud ladiba endustada säd .Pidab sanuda , hö sabustiba neciš azjas lujas hüvid satusid .
Nügüd’ om lujas äi mahtoid , miččiden abul voib tarkištelda säd .Om erazvuiččid tetabid primetoid .Paiči sidä nügüd’ ristitud mahtaba kävutada radiolakataroid , avaruz’sputnikoid da elektroništ tehnikad sän endustusen täht .Sän endustuz ei ole kebn azj , sen täht pidab kerata äi tedoid .
Nügüdläine tedo mahtab endustada säd läz kogonaižeks kuks .No , ku sanuda tot , sän endustuz koumeks päiväks om oiktemb .Ku sanutas sän endustuses miččel-se tahol , ka mugošt-žo säd pidab varastada lähiližil tahoil , miččed sijaidasoiš ei edemba , mi tuhiš nellikkilometroiš .
Kut-žo meile tedištada säd ?
Ezmäi tarbiž johtutada tetabid primetoid .Sid’ rindatada ičeze tarkištelendoid meteoslužban sän endustusenke .
Kaiken pidab muštta siš , miše mi enamb sinai om tedoid , ka paremb linneb sinun sän endustuz .
Tobjimalaz edel vihmad om räk , lindud čičitaba kovas da lendaba madalašti .Päiväl nukutab , päidusen aigan päiväine nouzeb pil’viš sadeged ülähäks .Varastadas lämäd säd , konz pil’ved ujuba korktas vai tegihe ”kidžerikš ”, konz pertiden turuišpäi savu libub ülähaks .Ku ümbri kudmaižes nägub erimujuižid läipid vai päiväine nouzman da laskendan aigan om käbed , varastadas kovad tulleid .
Nene oma rahvahan primetad .Ned oma sadavoččed .Ristitud tarkišteliba säd , miše kaita ičeze satust , sada hüväd sališt , parembzoitta miš-se ičeze elod .
Meiden ezitatad ladiba endustada säd erasikš kuikš .Ozutesikš , säd elokuks tarkišteliba Samsonan päivän , mitte om 10.päiväl heinkud .Sanutihe muga : ”Ku Samsonan päivän vihmub , ka kogonaižen kezan vihmuškandeb , a ku hüvä päiv om , ka keza-ki lämän linneb ”.Täl vodel 10.päiväl kezakud Petroskoiš oli hüvä sä .Toivom , miše lämäd Karjalas völ voib varastada .Kodvim meiden ezitatoiden primetan .
Mugažo elokus endustadihe säd sügüzeks da tal’veks :
2.päiväl elokud – Il’jan päiv .Ku om kuiv sä – kaks’ kud linneb läm’ .16. päiväl elokud – Anton Vihrevei .Ku necil päiväl tullei puhub piringol , linneb vilu tal’v .
17. päiväl elokud – Ku necil päiväl sä om hüvä , ka kül’mkus-ki linneb hüvä sä .Ku vihmub , ka kül’mku-ki linneb vihmukahan .
23. päiväl elokud – Lavrentian päiv .Keskpäivän kactas vedehe : vezi om tün’ , ka sügüz’ linneb tünän , a tal’v – ilma uhoita .
26. päiväl elokud – Tihon Strastnii .Ku tullei puhub hilläs – hüväks säks , a ku om piring , sügüz’ku linneb vihmakahan .
28. päiväl elokud – Presv’ataja Bogorodican Uspenie .Necidä päiväd lugetas sügüzen augotišeks .Mitte sä om necil päiväl , mugoižen-žo linneb sügüz’ .
Tarkištelendoid säs , uziden tedoiden ecind , mitte jäi rahvahale muštho nügüdehesai – nece om äjiden sugupol’viden hol’ jäl’genikoiš , meiš .Otkam mö-ki kaik nene tedod ičemoi muštho da kaikam ned meiden lapsiden täht .
Oiged sän endustuz
вепсский
Младописьменный вепсский
2.