Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Minun pened sebranikad
Источник:
Natoi Aleksejeva, Suomalaižugrilaine škol, Kodima. № 9, 2015, с. 8
Minun pened sebranikad
вепсский
Младописьменный вепсский
Kaik joged, järved, mecad, kal’l’od, gavedid, lindud, živatad – nece om meiden man čomuz’! Živatad – nece om sur’ londusen pala. Kaik živatad jagasoiš kahthe gruppaha: mecživatad da kodiživatad. Voib sanuda, miše kaikuččes kanzas om mitte-ni živat.
Minai-ki om kaks’ pen’t kažid. Niiden nimed oma Keša da Fil’a. Ned oma sanktad da karvakahad, kuti bučuižed. Kažid koskuba surihe hahkoihe šapkoihe. Fil’a om valdaline, se jokseleb kaikjal da ei anda magata meile kaikile. Keša om laskav da kundlijaine. Keša navedib konz minä silitan sidä. Ku minä läžun, Keša panesoi minunke da heitäb minun kibud. Molembad kažid oma melevad. Konz mamoi tuleb kodihe, ned vasttaba händast näugundanke uksenno. Minun pened sebranikad navediba äjän söda da hüvin tedaba, miše mamoi andab niile söda. Kažiden armaz sömine om kala da läm’ maid.
Minä lujas navedin minun kažid i meletan, miše živatoiden znamoičend ristituiden elos om sur’. Konz tulen kodihe, mindai sigä varastab kaks’ penikašt čudod – Keša da Fil’a. Kodiživatad oma tärktad mehiden täht. Mehen elos om hüvid päivid, no om hubid-ki. Meletan, mehen mel’ linneb paremb, ku hän johtutab penikaižen eläjan polhe, kudamb navedib händast da varastab kodiš.