Тексты
Вернуться к списку | редактировать | удалить | Создать новый | История изменений | Статистика | ? Помощь
Neciš lehteses om suomalaine südäin
Neciš lehteses om suomalaine südäin
вепсский
Младописьменный вепсский
Ičeze
pit’käs istorijas Karjalan Sanomat-lugendlehtez vajehteli äi nimid : ”Karjalan Kommuuni ”, ” Советская Карелия ”, ”Totuus ”, ”Leniniläinen totuus ”, ” Neuvosto-Karjala ”.Siš radoiba da radaba tetabad kirjutajad , runoilijad , toimitajad .Lehtez om tehnu suren panendan Karjalan literaturan kehitoitusehe .No sen pätegendan om kaiken olnu Baltianmeren-suomalaižiden rahvahiden kul’turan da suomen kelen kaičend .Täl vodel Karjalan Sanomat-lugendlehtez praznuiči 95-vottušt jubilejad .Praznikaližele ehtale tuliba lehtesen nügüdläižed da enččed radnikad , lugijad , kirjutajad , ühthižradnikad da sebranikad .
Lehtesen istorii om täuttud erazvuiččil vajehtusil .1930-voded oliba jügedad kaikiden painusiden täht rahvahaližil kelil .Karjalan Sanomat-lehtest-ki nene voded ei männugoi siriči .Vodel 1937 kut vepsän , muga suomen-ki kel’t oli kel’tud , lugendlehtez oli saubatud .Voden sirttes se zavottihe painda karjalan kelel kirillical , a päliči kahtes vodes lugendlehtez udes tegihe suomenkeližeks .Sid’ kuverz’-se aigad se oli ühten venänkeližen lehtesen kändmižen .Vaiše kaks’küme koume vot tagaze Karjalan Sanomat sai ičeze nügüdläižen nimen .Nece om sel’ged – lehtez om vanh , sikš sil om pit’k da täuz’ aigtegoil istorii .
Nügüd’ Karjalan Sanomat lähteb kaikuččen nedalin 16 lehtpolil .Se lugetas ei vaiše meiden Karjalan mal , no Suomes-ki .Lugendlehtesen pätoimitajan jo viž vot om Mihail Nezvickii .Hän naprib kehitoitta lehtest da tehta sidä nügüdaigaližembaks .Karjalan Sanomat-lehtesel om ičeze web-sait da lehtpoled socialižiš verkoiš .Äjad lugijad ostaba lehtesen elektroništ versijad .Nece znamoičeb , miše lehtez löudab paiči kaikenaigaližid uzid-ki lugijoid .Lehtesen tomišt tegeb vastusid lugijoiden täht .Paksus Karjalan Sanomat-lehtesen radnikad ühtes lugijoidenke tegeba matkoid Karjaladme , ajaleba Suomehe-ki .
Mihail Nezvickii om hüvä lehtezmez’ , hänele om melentartušt kaik , mi om sidotud lehtesen radoho .Hänen sanoiden mödhe , Karjalan Sanomat-lehtesen toimišt tahtoib , miše kirjutesed lehteses johtutaižiba suomalašt kirjutamižen stil’ad .Painusen nägo-ki johtutab suomalaižid lehtesid .
Kanman sur’t praznikad lehtesen radnikad tegiba äi azjtegoid ičeze lugijoiden täht : kävund tipografijaha (kus lugijad nägištiba lehtesen uden nomeran painandad ), tundištoituzmatkoid lehtesen toimištoho , puiden ištutand Petroskoi-lidnas .
Lopihe jubilei praznikaližel ehtal Karjalan rahvahaližes kirjištos , kus lehtesen sebranikad ozateliba radnikoid mugoižen znamasižen päivänke da toivotiba lehtesele edahašt kehitoitust .Pidab sanuda , miše praznikaline eht-ki mäni suomalaižes stil’as – joudajas paginladus suomalaižiden pajoidenke da pirgoiden paštmižen mastar’-klassanke suomalaižel keitäjalpäi .
Neciš lehteses om suomalaine südäin
вепсский
Младописьменный вепсский