Тексты
Вернуться к списку | редактировать | удалить | Создать новый | История изменений | Статистика | ? Помощь
Kargus eläi mez’
Kargus eläi mez’
вепсский
Младописьменный вепсский
Sügüz’kus
mäni Irina Semakovan В .И .Кононов : живущий в танце-kirjan prezentacii .Se mäni Kantele-pertiš , i nece ei olend muite .Ved’ Vasilii Kononov oli tutaban da lahjakahan horeografan , kudamb omišti suren ičeze elon palan necile kargsebrale .Azjtegon avaiži kirjan tegii Irina Semakova .Hän om muzik-da fol’klortedai , etnograf da opendai .Irina Borisovna starinoiči Kononovan polhe , mikš hän kirjuti necen kirjan da äi tošt .Prezentacijale tuli äi ristituid , läz kaik praznikzal oli täuz’ .Ned oliba Kononovan heimolaižed , hänen ühthižradnikad , sebranikad , openikad da ristitud , kudambile kargud da Kononovan elo om melentartušt .Erased ristitud mäniba scenale da sanuiba starinoid Kononovan polhe da siš , kut heiden elo oli sidotud hänehe .Kaik kitiba kirjan avtorad , Irina Semakovad hänen tegemižes , sikš ku hän pani henged ičeze radoho .Sen lühüdan , no hengekahan palan jäl’ghe kaikid kuctihe kargaiduzzalaha , kus eziti ičeze sädandradod Kantele-kargsebr .Sebran ühtnikad ozutiba kacujile 2 kargud : Karg luzikoidenke da Pohjoižkadril’ .Molembiden karguiden tegii om Vasilii Kononov .Ičeze karguil Kantele-sebr ozuti , miše se pidäb Vasilii Kononovad sures arvostuses da sidä , miše hän oli lahjakahan horeografan .
Prezentacijan lopus jogahine tahtnik voi ostta kirjan .Kaiken om lujas hüvä teta da el’geta , miše vepsläižiden keskes oma mugoižed lahjakahad da ičeze radod navedijad ristitud .
Kargus eläi mez’
вепсский
Младописьменный вепсский