Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Mironova. Opendajiden johtutesišpäi
Maria Mironova
Opendajiden johtutesišpäi
вепсский
Младописьменный вепсский
5. redukud
Venämal praznuitas Opendajan päiväd .Opendajad oma lujas tarbhaižed ristitud meiden elos .Paksus pagištas , miše škol om meiden toine kodi , klassan ohjandai om meiden toine mam .Laps’vozil ristitud lujas äi aigad mänetaba školas , kus heiš pidäba hol’t opendajad .Opendajan päiväks tahtoim starinoita meiden lugijoile ühten istorijan vepsläižen opendajan elospäi .
Nel’l’ vot minä radoin opendajan Päžarv’-küläs .Ühtel vodel openzin ezmäšt i koumant klassad .Muštan , ezmäižes klassas openzihe Gal’a Fomina .Hänen Saša-vel’l’ openzihe koumandes klassas .Kodihe oli jänu üksnäze noremb Ol’a-sizar .Hänele oli viž vot .Lapsiden mam radoi mecas edahan kodišpäi .Kodihe hän tuleskeli vaiše sobatoidme ehtal da pühäpäividme ehtal hänele tariž oli mända tagaze mecha .Lapsed kaiken nedalin eliba üksnäzoi .Kerdan Saša küzui minai : ”Maria Sem’onovna , voib-ik minei homen ei tulda školha ?”Minä : ”Mikš ?”– ”Haugod lopihezoi ”. – ”Minä tulen i abutan sinei ”. – ”Et voi pil’dä , parz’ om sanged ”. – ”Üks’kaik minä tulen ”.
Tulin kodihe , longitin , keradamoi radole .Emäg küzui minai : ”Kuna mäned ?”.– ”Abutan Sašale tehta haugoid ”. Emäg mindai lajiškanzi , no minä kaik-se mänin .Parz’ todeks oli sanged , no pilim .Saša jäi lopmaha radod , a mö hänen sizaridenke mänim pert’he .Panim päčin lämha , panim kartohkad päčhe keitmaha da samvaran lämha .Gal’a pühki lavad .Mö Ol’anke kerazim stolale astjad , leibäd , muiktad kapustad , žardüd kartohkad , sid’ Saša-ki radon vaumiči .
Oli vessel ehtlong’ .Mö kaik olim hüviš meliš .Lapsed mindai spasiboičiba .Edel lähtendad minä sanuin Sašale : ”Nügüd’ void kävuda školha !”.
Opendajiden johtutesišpäi
вепсский
Младописьменный вепсский