Тексты
Вернуться к списку | редактировать | удалить | Создать новый | История изменений | Статистика | ? Помощь
Lämäd toivotused jubilejaks!
Lämäd toivotused jubilejaks!
вепсский
Младописьменный вепсский
Täl
vodel Kurban muzejan ohjandai da muite lujas hüväsüdäimeline naine Svetlana Jeršova praznuičeb jubilejad !
Svetlana Ivanovna Jeršova (neiččen familii oli Abramova ) om sündunu vodel 1956 Piterin agjan Podporožjen rajonan Ladv-külähä .Hänen kanz oli vepsläine , i Svetlana penespäi kuli i pagiži maman kelel .Konz läheližes Kurb-küläs tehtihe lespromhoz i avaitihe uz’ škol , Abramovoiden kanz läksi elämaha sinna .Svetlana mäni ezmäižehe klassaha jo Kurbal .Školan jäl’ghe Svetlana lopi Pedagogižen institutan Piteriš da pördihe kodiröunale .Vodelpäi 1977 radaškanzi opendajan Kurban školas .
Svetlana Ivanovna Jeršova radoi ičeze kodiškolas enamb 30 vot , i voiži rata enamban-ki , no vodel 2009 Kurban škol oli saubatud .Ičeze openikoidenke Svetlana Ivanovna kerazi vepsläižiden kul’turan da elon školmuzei .Konz škol saubatihe , muzejale oli löutud toine pert’ .
Vodel 2010 Piterin agjan kul’turan upravlenii andoi Kurban muzejale Podporožjen kodirandan muzejan filialan statusan .
Vodel 2011 Svetlana Jeršova sai ičeze äivoččes rados vepsän kul’turan da kelen kaičendan täht ”Mirun pu ”-premijan .Sidä anttas estilaižes “Heimolaižiden rahvahiden programmas ” nenile , ken om tehnu midäse hüväd ičeze eländsijal ičeze rahvahan täht .Vepsän kul’tursebr Petroskoišpäi tugezi pakičendan antta sidä S .Jeršovale .Svetlanal om kaks’ last Vanhemb tütar Ol’ga eläb Petroskoiš , noremb Jevgenija – Piteriš .
Tütred , vävüd da vonukad ozateleba Svetlana Jeršovad sündundpäivänke !Toivotaba hänele vahvad tervhut pit’käks igäks , väged da hüväd mel’t !Meiden kalliž mamoi , baboi , lujas armastam sindai , lämmäšti sebadam da tervehtam !!!
Lämäd toivotused jubilejaks!
вепсский
Младописьменный вепсский