Тексты
Вернуться к списку | редактировать | удалить | Создать новый | История изменений | Статистика | ? Помощь
Besedal vepsläiženno
Besedal vepsläiženno
вепсский
Младописьменный вепсский
Karjalan
Rahvahaližiden kul’turiden keskuses mäni eht , mitte oli omištadud Jurii Mihailovič Mugačevan sädandradon 55-voččele .Jurii Mihailovič om vepsän kelen da vepsän rahvahan tradicijoiden tundii .Oldes lujas aktivižen ristitun da sädaimehen hän ühtes sebranikoidenke tegi Šokš-küläs Päiväižen praznikan , mitte nügüd’ tegihe jogavoččeks .Necile praznikale keradasoiš ei vaiše Šokšun eläjad , no tuleskeleb adivoid-ki susedkülišpäi da Petroskoi-lidnaspäi .Sil aigvoččed , rauhad ristitud da lapsed pajataba vepsläižid pajoid , kargaidaba , iloitelesoiš mi om väged !Kaiken aigan praznikan päühtnikoin da , voib sanuda , ižandoin oma Keradam da kaičemfol’klorkollektivan aktivistad .Pidab sanuda , miše nece fol’klorkollektiv mugažo oli tehtud äjas Jurii Mihailovičan taguiči ühtes Šokšun Kul’turpertin da Šokšun školan radnikoidenke .Nimespäi nägub , miše necen kollektivan ühtnikoiden pätegendan om rahvahan kul’turan kaičend da levitamine .
Jurii Mugačeval om muzikaline openduz , iče hän openzihe vändmaha vepsläižel stribunikal , kut sidä nimitab Jurii Mihailovič , ”stringkartaižel ”.Mugoine nimi om necil rahvahaližel vändimel .
Jurii Mihailovič oli vepsän rahvahan kelen udessündutamižen augotišes .Siloi oli tehtud Vepsän kul’tursebr , Jurii Mugačev tegihe sebran ühtnikaks , pigai tartui sebran radho .Äi kerdoid Jurii Mihailovič oli pauklahjoitud Rahvahaližen politikan ministerstvan i Edahaižen Päivlaskman polen , Sibirin da Pohjoižen igähižiden rahvahiden Associacijan kitändkirjeižil .
Männuden voden elokus Jurii Mihailovič praznuiči ičeze 80-vottušt jubilejad , a tal’vkus hänel oli völ kaks’ znamasišt päivmärad – 55 vot siš aigaspäi , kut hän zavodi tehta sädandradod da kut hän nai .Nene aigtegod oliba vilukun vastusen sün .Tal’vkus äjiden praznikaližiden azjtegoiden taguiči tehta vastust ei ozaidand .
Jurii Mihailovič lujas tahtoi , miše eht oliži kodikahan , ei oliži oficialižen .Vastusen hän nimiti – ”Besedale vepsläižennoks ”.Muga tegihe-ki .Kehkeran stolan taga kerazihe hänen heimolaižed , sebranikad da tutabad .Jurii Mihailovič adivoičeti tulijoid magukahil pirgoil da toižil sömižil , starinoiči erazvuiččid istorijoid ičeze elospäi .
Necil-žo ehtal Vepsän kul’tursebran pämez’ Zinaida Strogalščikova lahjoiči Jurii Mihailovič Mugačevale ”Za vernost’ Severu ”-medalin .Nece om sur’ da arvokaz pauklahj rahvahaližen kul’turan kaičendas .
Kodima-lehtesen radnikad toivotaba Jurii Mihailovičale pit’käd igäd , korktad ozad da satusid sädandrados !
Besedal vepsläiženno
вепсский
Младописьменный вепсский