Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Košeleva. Kut Periodika- mel’nic uzid kirjoid jauhoi
Maria Košeleva
Kut Periodika- mel’nic uzid kirjoid jauhoi
вепсский
Младописьменный вепсский
Prezentacii
: Periodika-paindišt ozuti kirjoid , miččed oli paindud siš männudes vodes .
Konz om kirj – eläb sana , a konz eläb sana – eläb kel’-ki .Periodika – paindišt kut niken toine tedab necidä i joga voz’ lahjoičeb ristituile uzid lugendlehtesid , kulehtesid , al’manahoid da kirjoid rahvahaližil kelil .Mugoižen bohatan painusil oli 2015.voz’-ki .Sikš 26.vilukud Petroskoiš mäni hüvä da kodikaz KniiguMelličča – eht .Mugoine nimi anttihe ehtale ei muite .Periodikapaindišt om kuti mel’nic , mitte jauhob čomid kirjoid .2015. vodel oli paindud 20 kirjad suomen , karjalan , vepsän da venän kelil .Nece eht oli omištadud nenile uzile kirjoile .Ehtal oli neniden uziden painusiden prezentacii .
KniiguMelliččan tegijoin oliba Periodika-paindišt , da sen abunik – Karjalan rahvahaližen politikan ministerstv .Prezentacijale tuli läz 100 mest , niiden keskes oli valdmehid-ki : Rahvahan politikan ministerstvan pämez’ Andrei Manin da Karjalan Zakonandandan suiman deputat Ol’ga Šmajenik .Prezentacijan ühtnikad – paindišton radnikad , i ristitud , kudambiden elo om sidotud rahvahaližihe kelihe , da ristitud , kudambile om melentartušt rahvahaline kul’tur .Eht oli čudokaz da sarnaline , ved’ jogahine tahtnik voi ei vaiše tundištadas kirjoidenke , no pagišta-ki niiden tegijoiden-ke , tehta heile küzundoid , ühtneda mastar’-klassoihe , ozutesikš , tehta čoman lehtesen ozutimen kirjan täht meiden karjalaižiden üläopenikoiden abul .Ehtal oli kanzaline da kodikaz il’mišt , völ kodikahut ližazi ehtale čoma magukahan glintveinan haju .Jogahine adiv voi mujuda da sada ihastust siš .
Neniden 20 kirjoiden keskes oliba kirjad kut suomen , muga venän-ki kelel , niihe mülüba Harlamovan ”С неба падали лягушки ” da Pozdnjakovan ”Anna sen olla niin !”-kirjad .Periodikas oli paindud Karjalaižiden sarnoiden kirj mugažo suomen da venän kelil .Oli udespaindud Karjalaižed muštatišed – kirj da karjalaiž-venälaižed abupaginkirjad molembil paginoil .Ei sa jäta homaičuseta N .Zaicevan da N .Abramovan ”Kuldaižed sanad ” - kirjad .Se om vepsänkeline kogomuz , miččehe mülüba N .Abramovan runod da N .Zaicevan Virantanaz – epos .Männuden voden lopus läksi eloho O .Mošnikovan da N .Silakovan ühthine kirj – ”Kodiman vägi ”, mitte mugažo oli ezitadud prezentacijal .Lujas tarbhaižed kirjad , miččed oli paindud 2015.vodel , oma vepsän da karjalan školvaihišt .Melentartuižen painusen oli karjalaine Lembi-kalendar’ da Ozatomiden situacijoiden ministerstvan Eziabu mairhes olijale ristitule – kirj , mitte oli kätud karjalan kel’he .
Völ kaikutte ehtan adiv voi ostta ičeleze painusen .Prezentacijan lopus adivod voiba muite-ki otta erasid kirjoid ilma maksuta .Oli lujas melentartušt da hüvä kacta , kut heredas kaik kirjad löuziba ičeze ižandoid .Se ozuti , miše ristituil om sur’ melentartuz’ literaturaha rahvahaližil kelil .A nügüd’ varastagam uzid painusid , miččed sünduba Periodika – paindištos 2016.vodel !
Kut Periodika- mel’nic uzid kirjoid jauhoi
вепсский
Младописьменный вепсский