Тексты
Вернуться к списку | редактировать | удалить | Создать новый | История изменений | Статистика | ? Помощь
Keväz’ da gnomad
Keväz’ da gnomad
вепсский
Младописьменный вепсский
Mecas
eliba gnomad .Tal’vel hö abutiba mecan eläjile : puhtastiba puiden oksid lumespäi , miše päiväižen sädeged voižiba päzuda oksiden läbi .
Gnomad lujas navediba Tal’ved .Vaiše uhokun lopus hö tustuiba lämid päivid , sen täht hö kerazihe , miše kucta Kevät .Üks’ gnom sanui , miše voib mända irdale da kidastada : ”Keväz’ !Tule pigemba da heraštoita meid tal’vunespäi !”.
Toine sanui , miše voib pajatada Kevädele pajoižen , miše se tuliži pigemba .
Hätken gnomad meletiba , lopuks pätiba mända jogennoks küzumaha nevondad .
Gnomad sanuiba jogele , miše hän kucuiži Kevät .Jogi andoi vastusen :
– Minä en voi kucta Kevät .Minei tarbiž ezmäi mureta jä .
Siloi gnomad pätiba , miše heile abutaba pud .Pud andoiba mugoižen vastusen :
– Miše Keväz’ homaičiži meid , meile tarbiž vajehtada meiden sädoid .Konz hän nägištab , miše mö olem čomiš sädoiš , tuleb iče .
Gnomad pakičiba linduižid abutada heile .
Linduižed sanuiba heile muga :
– Meid om vähä mecas .Keväz’ ei kulišta meid .Konz meiden sebranikad tuleba suvespäi , siloi kucum ühtes Kevät .
Kuni gnomad eciba sidä , ken abutaiži heile , joges mureni jäd , puiš ozutihe urbad da pened vihandad lehtuižed , linduižed pördihe lämišpäi maišpäi .
Gnomad mäniba möst jogennoks da küzuiba :
– Jogi , sinai ei ole jo jäd , konz sinä kucud Kevät ?
– Minä en murendand jäd , tuli neižne da iče murenzi sidä , sanui Jogi .
Kaikid melekahamb gnom läksi mecanröunale da sanui :
Ka tuli jo Keväz’ , a mö tahtoim händast kucta !
Sid’ mecaspäi läksi čoma neižne , kudamban nimi om Keväz’ .
Keväz’ da gnomad
вепсский
Младописьменный вепсский
–
–
–
–