Тексты
Вернуться к списку | редактировать | удалить | Создать новый | История изменений | Статистика | ? Помощь
Korged pauklahj literaturan poles
Korged pauklahj literaturan poles
вепсский
Младописьменный вепсский
Pauklahjoičend
: Runoilijad , kudambiden keskes oma vepsläižed Ol’ga Žukova da Nikolai Abramov , oli korktas arvostadud Moskvas .
2015. voden augotišes Hanti –Mansijskan agjan Jugra –tahos oli tehtud literaturine praznik , miččel mäni Dmitrii Mizgulinan uden kirjan prezentacii .Sen nimi om ”Kogdato solnce bilo Bogom… ”.Nece kirj om kirjutadud venän da suomalaižugrilaižil kelil .Dmitrii Mizgulin om tetab Venäman runoilii , hän om sündnu Murmanskas .Hänen runokogomused om kätud äjihe Jevropan kelihe .Prezentacijal ezitadud kirjaha mülüi Mizgulinan parahimad runod venän kelel , runoiden kändmižed Venäman suomalaižugrilaižihe kelihe da mugažo suomen da vengrian kelihe .Kändajad Karjalaspäi oma Ol’ga Žukova , Nikolai Abramov (vepsän kel’ ), Natalja Antonova (karjalan kel’ ) da ei amu lähtnu elämaha Suomehe Kristina Korotkih (suomen kel’ ).Kirjan prezentacijal kirjutai sanui : ”Nügüd’ Jugra om mugoine ma , mitte ühtenzoitab kaiked suomalaiž –ugrilaižed rahvahad , heiden literaturad .Tägä pidätas lujas äi sihe sidotud azjtegoid .Äjiden minun kirjan kändajidenke olem tutabad , sebranikad , sikš sündui mugoine idei – käta se suomalaiž –ugrilaižihe kelihe ”.
Necen voden uhokus Moskvan Literatoroiden pertiš mäni Očarovannii strannikliteraturižen premijan N .S .Leskovan nimel pauklahjoičend .Sihe ühtni tetabid literatoroid , kul’turan da taidehen radnikoid .Laureatoiden keskes oli Dmitrii Mizgulinan kirj-ki .Ezmäižen premijan čomas kändmižes sai suomalaiž –ugrilaižiden runoilijoiden jouk Kogda-to solnce bilo Bogom… –kirjas .
Žurij ouk kiti runoilijoid sures panendas runotushe kodikelel , hö arvostiba čoman kändmižradon da pakičiba kaikuttušt runoilijad lugeda runoid ičeze kelel .
Korged pauklahj literaturan poles
вепсский
Младописьменный вепсский