Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Filatova. Mul’tfil’m vepsän rahvahan polhe
Maria Filatova
Mul’tfil’m vepsän rahvahan polhe
вепсский
Младописьменный вепсский
26. päiväl
semendkud Karjalan kul’turkeskuses oli tehtud mul’tfil’man prezentacii .Se starinoičeb vepsän rahvahan polhe .Kacmaha mul’tfil’mad tuliba lapsed da aigvoččed-ki ristitud , kaik , kelle om melentartušt vepsläižiden istorii da kul’tur .
Narodnaja mozaika –muga om nimitadud projekt , miččes om tehtud jo koume mul’tfil’mad vähäluguižiden rahvahiden polhe .Aigemba oli tehtud jo mul’tik Altai röunan rahvahiden polhe – kumandincoiš da telengitoiš , nügüd’ om sündnu mul’tfil’m vepsän rahvahas-ki .Mul’tfil’man tegemižehe ühtniba lapsed .Projektan radnikad vediba lapsiden täht etnourokoid , kus starinoičiba rahvahiden istorijan da kul’turan polhe .Urokoiden jäl’ghe lapsed pirdiba kuvid .Karjalas oli keratud 123 lapsiden kuvad .Niiden pohjal oliki tehtud mul’tfil’m .Projekt oli tehtud prezidentgrantan tugel .Projektan pätegend – kebnäl kelel da mahtoil starinoita rahvahale vähäntetabiden rahvahiden polhe , heiden istorijas da kul’turas .Projektan ohjandai Gul’nara Kucenko sanui : ”Konz mö pagižem noriden da lapsiden opendusen polhe , pidab valita mugoižid openduzformid , miččed oma melentartuižed .Ned oma kebnäd , lujas kebnäs pandas muštho .Mul’tfil’mad tuleba mel’he ei vaiše školan openikoile , no aigvoččile-ki ristituile ”.
Čudokaz vepsän rahvahan ma –mugoine nimi om mul’tfil’mal vepsän rahvahas .Kahtes minutas kacujad tedištiba vepsän rahvahan elos , sen istorijas da kul’turas .Kacujile oli starinoitud vepsän rahvahan uskondoiš : mechižes , vedehižes , päčin ižandas .
Mugažo mul’tikas ozutihe malinovii kvarcit –kived i muštpachad , miččed om tehtud neciš kivespäi .
Mul’tfil’m tuli mel’he kacujile .Maria Košeleva sanui : ”Se om lujas hüvä mul’tik .Meletan , miše mugoižed mul’tikad oma lapsiden da vanhembiden täht .Sikš ku ned voiba hüvin sel’genzoitta da starinoita jügedoid azjoid kebnäs .I nece om lujas hüvä .Meletan , miše tarbiž tehta enamba mult’fi lmad i tehta pidembad mult’fi lmad .Nece mul’tik , miččen mö kacuim , oli lujas melentartuine , se hüvin starinoiči vepsläižiden polhe lapsiden täht , no se oli lujas lühüd .Oliži hüvä tehta völ pidembad mul’tfil’mad ”.
Projektan tegijad planuičeba tehta mul’tfil’moid toižiden rahvahiden polhe .Pigai mul’tfil’mad pandas internetha i kaikutte tahtnik voiškandeb kacta niid .
Mul’tfil’m vepsän rahvahan polhe
вепсский
Младописьменный вепсский