Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Košeleva. Vepsän pagin oiden očerkad
Maria Košeleva
Vepsän pagin oiden očerkad
вепсский
Младописьменный вепсский
Nacein
, nikenele ei ole peit , miše vepsläižes mirus om ičeze kelen mamoi – Nina Zaiceva , kudambale ei ole üks’kaik vepsän kelen elo da kudamb kaiken aigan opendab , kehitoitab da udessündutab kel’t kirjutades äjid tarbhaižid tedotöid neciš tedoalovehes .Täl-ki vodel , kezan augotišes läksi hänen uz’ sur’ rad , miččen nimi om Vepsän paginoiden očerkad .
Kut voib homaita nimespäi – se om täuz’ tö vepsläižiden paginoiden erigoičusiden polhe , niiden sijoiš da sijoiden kävutandan polhe .Neciš rados om vepsläižiden paginmaterialan tarkištelend , a mugažo siš ezitadas avtoral vaumištadud 50 fonetišt , leksišt da grammatišt kel’kartad .Nene kartad abutaba märitada paginoiden alovehiden baltianmeren-suomalaižiden jäl’ged , löuta niiden kosketused da kosketusiden sidod heim - da verazkelidenke , a mugažo ne abutaba ezitada edelpäidejoid vepsän kelen paginoiden alovehiden kehitoitandas .Jogahižehe kartaha mülüb kuz’ tarbhašt azjad : kartan legend , kus om ezitadud kartografijan material , sen legendan sel’genzoituz’ , luguindeks , mitte abutab sauda kel’kartan , keratud materialan lugetiž , avtoran tedosel’genzoituz da kel’kart märitud znamoidenke .
Rados oli kävutadud sur’ mär tedoliteraturad da äi erazvuiččid pöudkirjutesid tedomatkoišpäi , oli sel’genzoittud erased palad magnitofonkirjutesišpäi Karjalan tedokeskusen fonogrammarhivaspäi .
Kut om kirjutadud kirjas , nece tö om kuti ezisanad vepsän kelen lingvistižehe atlasaha , mitte vaumitadas nügüd’ .Nece Vepsän paginoiden očerkad – om lujas sur’ , jüged da hüvin tehtud rad , mitte abutab jogahižele opeta vepsän kel’t , tedištada uzid melentartuižid vepsän kelen paginoid kosketajid azjoid , abutab toižile tedomehile kirjutada ičeze tedotöid , a kelen opendajile abutab tarkašti tundištoitta openikoid mugoiženke kel’he sidotud tärktan azjanke , kut paginad .
Se kirj om lujas hüvä tö vepsän kelen mirus , sikš ku jogahine mugoine rad avaidab uded uksed kelen opendamižehe da andab veresen kacegen sihe .
Vepsän pagin oiden očerkad
вепсский
Младописьменный вепсский