Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Filatova. Otam kameran da lähtem tijale!
Maria Filatova
Otam kameran da lähtem tijale!
вепсский
Младописьменный вепсский
Keza
om lebun aig .Necidä kaikutte tedab .Rahvaz varastab necidä aigad , vaumičese , planuičeb , kut i kus mänetada joudjid kezapäivid .No om äi mugoižid professijoid , miččiden täht kezal vaiše zavodiše jügedamb rad .Ozutesikš , pöudon radnikad , ekskursovodad da äjad toižed .Om-ki mugoine professii , mitte ei teda lebud – lehtmehed vai venäks žurnalistad .Teležurnalistoiden täht keza om erine aig .Kezal külä heraštub , elo sigä kehub , sikš žurnalistad da operatorad otaba kamerad kerdale da lähteba ”pöudho ”.Necen professijan polhe da vepsläižiden lehtmehiden polhe starinoičem neciš kirjuteses .
Lehtmez om melentartuine professii , mitte kuti sulab ristitun eloho .Lehtmez om i radol lehtmez , ka i kaikuččen elon päivän jäb lehtmehen .Nece om kaikenaigaline materialoiden ecind , uziden tedoiden kaikuččen päivän saskelmine , meled päs , kut ani pičuižes azjaspäi tehta melentartušt temad vai kut sanutas : kärbhaižespäi tehta slonan .Om-ik lehtmehen professii mugoine čoma kut paksus meletadas ?Voim sanuda ühten – tusttuda mugoižes rados om todeks ei sa .
Vepsläižed tele - da lehtmehed , voib sanuda , oma ühthine sebr .Ved’ hö vajehtasoiš radol , abutaba toine toižele äjiš azjoiš .Vepsän kelel kirjutab meiden lugendlehtez , tuleba radiopaginad , tehtas teleozutesidki .
Teleradnikoiden rados , nacein , kaikid melentartuižemb azj om sjomkoid .Voib rindatada se teatranke , no se ei ole scenal , a todesižes elos .Mikš teatr ?Ka sikš , miše tägä om ohjandai , om-ki akteroid .Om völ ero – snimdä voib kuverz’ taht kerdoid .Pl’onkad om lopmatoi mär .Sjomkad tehtas äi kerdoid , akt’orad toštaba üht tekstad äi kerdoid .Ilokahid situacijoid , azjoid sjomkoiden aigal ei sa heitta .Muštho tuleb , konz pagištoittes ristitunke , tulnu kozaine zavodi purda mikrofonan provodad .Nacein , se oli magukaz hänen täht , a , voib olda , kozaine tahtoi olda teletähthan , sikš ku ei voidihe küksta nenakast kozašt kadraspäi .Om lujas ilokast snimdä lapsid .Hö ei varaikoi sanuda kaiken tot sil’mäha , oma joudajad : kameran edel sibitasoiš da haikostelesoiš .Om paksus muga-ki , konz ei ozastu sanuda jügedad sanad ezmäižes kerdaspäi .Udeks da udeks starinoičed midäse i konz möst potkatoi necil sanal , ka möst zavodid augotišespäi .
Todeks sanuda , ei kogonaine elo om mugoine ilokaz lehtmehiden täht .Paksus rahvaz ei tahtoi antta intervjud , varaidab pagišta ičeze kelel , varaidab olda ilokahan televizoroiš .Ved’ heid nägištaba susedad , ičhižed , kanznikad da kogonaine Karjala !A internetan kal’t – kogonaine mir-ki !Om-ki mugoine taban pird vepsläižil – olda sauptan mirun täht , ei avaitas mirule .Sidä voib el’geta , no nece om lujas jügenzoitab lehtmehen radod .Ved’ meid , vepsläižid om muga vähä .Löuta paginikoid om lujas jüged , löumäi rad .Om lujas žal’ sen polhe kirjutada .Ved’ meile om min polhe starinoita , om , mil jagatas mirunke .Vepsän rahvahan kul’tur om lujas bohat .Se om kuti ei künttud ma – tägä om lujas äi radoid , kaiken aigan voib löuta uzid temoid .
Sjomkad om ezmäine hašk programman tegemižes .Ned andaba melid , tundmusid , miččed jäl’ges eläbzoitasoiš ekranas .Jäl’ges sjomkoid žurnalist kirjutab tekstad , lugeb sidä mikrofonaha i lopuks kadrad leiktas da ühtenzoittas .Lehtmez’ udes ecib temad , zvonib , möst ecib paginikoid , möst töndub sjomkoihe .Mugoine om teležurnalistan elo .Kal’hed Kodiman lugijad , algat varaikoi pagišta ičemoi kelel kameran edel , tedištagaha kogoinaine mir meiden rahvahan polhe !Mö otam kameran i tulem tijale !
Otam kameran da lähtem tijale!
вепсский
Младописьменный вепсский