Тексты

Вернуться к списку | редактировать | удалить | История изменений | ? Помощь

Ekzamenad oma opakambad, mi hired

Корпус: младописьменный подкорпус

Младописьменный вепсский, публицистические тексты

Источник: Darja Švecova, Kodima. № 9, (2016), с. 8

Ekzamenad oma opakambad, mi hired
(вепсский)

1. päiväl sulakud, kut i kaik openikad, minun klass tahtoi tehta miččen-ni ilokahan, čudokahan da melentartuižen azjan. Neičukaižed meiden klassas paniba päle mujukahad čuukštanad. Modoihe pirdiba erazvuiččid kuvid da pestrakoid. Kaiken päivän iloitelimoiš, vändim, pajatim pajoid. Se oli lujas čudokaz päiv.
Jäl’gmäižel urokal, konz meile jo ei jänd ni üht ilošt mel’veht, ken-se sanui, miše meiden opendai surmahasai varaidab hirid. ladimoiš mugakonz opendai tuleb klassaha, ühtes kidastamHir’! Hir’!”.
Naku tilline keloti, varastim, konz opendai tuleb klassaha. Tarbiž oli nähta opendajan modod, konz hän kulišti i nägišti meid. Opendai teravas saupsi uksen: ”Kus? Kus?”. Mäni kaks’ minutad, i hän tarkašti avaiži uksen. nagroim. Sid’ hän el’genzi, miše ilostelim.
No meiden opendai mugažo tahtoi anzoita meid. Hän sanui, miše täl vodel kahesandes klassas lapsil mugažo oma ekzamenad. Muhud kadoiba meiden modoišpäi. Ved’ olim vaiše kahesandes klassas. Ekzamenad oliba opakambad, mi hired. No konz opendai muhahti, el’genzim, miše se oli vaiše iloine. ühtes nagroim i läksim kodihe hüviš meliš.