Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Jevgenii Fotejev.
Kontilahti- PetroskoiŠoutjärv’
Источник:
Kodima. № 10, 2016, с. 3
Jevgenii Fotejev
Kontilahti- PetroskoiŠoutjärv’
вепсский
Младописьменный вепсский
Redukun sobatpäiväl Šoutjärven vepsläižehe etnografižehe muzejaha Loninan nimel tuliba hüväd adivod...
1. redukud muzejas mäni koumen kollektivan vastuz. Vastusen ”ižandan” oli Vepsän rahvahan hor, mitte tundištoiti adivoid vepsän pajatandmahton tradicijanke da fol’kloranke.
Sid’ ičeze mahtoid ozutiba suomalaižed adivod Kontilahtišpäi akkardeonal vändai Jukko da pajatai Osmo vai duet, miččen nimi om ”Kellot Moskovaan”. Hö ihastoitiba kundlijoid kätud suomen kel’he venälaižil pajoil, mugoižil kut ”Один раз в год сады цветут”, ”Очи чёрные” da äjil toižil, miččed meil amu jo tegihe tozi rahvahižikš.
Sid’ koncertad jatksi Белый танец-perehen folkkollektiv Petroskoišpäi – koume Gridinoiden da Orlovoiden sugupol’ved. Nece kollektiv om hüvä ozutez nügüdläižile perehile, kut pidab kaita kesknäšt el’gendust. Kollektivan ezituz oli täuttud armastusel, lujas vessel da aktualine kaikiden igiden täht. Oli karguid-ki, mugažo erazvuiččid.
Koncert jatksihe edemba jo išttes stolan taga. Sigä adivod mujiba sijaližid magedusid da paštatesid, miččid vaumištiba vepsläižed emägaižed. Čajun jomižen aigan kaik tegihe ühteks sureks kollektivaks, äned da vändimed suliba ühthižehe sebrastusen melodijaha.
Tahtoidas uskta, miše nece vastuz ei olend jäl’gmäižen, a se tegihe suren da vahvan sebrastusen augotišeks.