Тексты

Вернуться к списку | редактировать | удалить | История изменений | ? Помощь

Penikaižiden openikoiden praznik

Корпус: младописьменный подкорпус

Младописьменный вепсский, публицистические тексты

Источник: Galina Baburova, Kodima. № 10, (2016), с. 3

Penikaižiden openikoiden praznik
(вепсский)

Petroskoiš ezmäižes klassas opendaškandeb vepsän kel’t koume last.
6. redukud Petroskoin Suomalaiž-ugrilaižes školas mäni praznik lapsile, kudambad täl vodel tuliba opendamhas ezmäižehe klassaha.
Edel praznikad nügüd’ jo ezmäižiden klassoiden openikad seižuiba holiš läz školan koncertzalad. Ühtes heidenke oliba kazvatajad da opendajad. Kaikutte el’gendab mitte vastusenpidäi nece om azjtehtas openikaks.
Lapsid tervehtoiti školan kazvatuzradon ohjandai Ol’ga Ivanovna Olonceva. Hän johtuti openikoile, mitte jüged, no melentartuine elon etap nügüd’ heil om. Jo kogonaižen kun lapsed harjeniba uzihe vajehtusihe elos: lugiba vähäižen, kirjutiba ezmäižid sanoid da sanundoid, tegiba koditöd. KüzundahaOmik jüged teile?” penikaižed openikad ühthe än’he kidastaškanzibaEi!”. Lapsed toivotiba opetas napernas, kundelta tarkašti opendajid da abutada kaikes toine toižele. Ved’ tegiba vaiše ezmäižen haškun opendushe. Edes heil om völ äi openduzvozid.
Lapsiden täht vanhembiden klassoiden openikad vaumištiba melentartuižen programman. vändiba norembiden lapsidenke, sanuiba ozoitesid da andoiba heile ičeze nevondoid.
Täl vodel Petroskoin Suomalaiž-ugrilaižehe školha tuli opendamhas enamba sadad openikad. Kaikes nelläs ezmäižes klassas lapsed opendaškandeba rahvahaližid kelid. Heišpäi koume opendaškandeba vepsän kel’t.
Ozatelmaha lapsid openduzelonke tuliba Periodikapaindišton radnikad da Vepsläižed besedad-paginkluban ohjandai Larisa Smolina. lahjoičiba openikoile mujukahid kulehtesid karjalan da vepsän kelil, čomid počtkartaižid da magnitoid, toivotiba satusid openduses da sur’t melentartust rahvahaližiden keliden kaičendaha.