Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Antonova. Meneskendeltih Vieljärven buaboit miehele
Natalja Antonova
Meneskendeltih Vieljärven buaboit miehele
карельский: ливвиковское наречие
Новописьменный ливвиковский
Mennyt
pyhänpiän Vieljärven Randaine-kyläteatru pidi vesselän enzi-illan Karjalan Kielen Kois .Kolmes vuvves se on jo kuvves teatran suavutus .Kyläteatroin toimindu Karjalas on libumas .Vieljärven rahvas vuotetah Karjalan Kielen Koin tostu kerrostu valmehekse .Sie roitah raviet lava da kaččojien zualu , kai puus luajitut .Nygöi rahvastu kävyy kaččomah spektakliloi sissäh äijin , ku erähät jiähäh seizomahgi .
Buaboit miehele menemäs-ven’ankielizen tekstan teatran johtai Vera Ivanova otti internetaspäi da kiändi livvikse .Händy autettih kai teatralazet .Baškortostanas vie ei muga ammui elänyön dramaturgan Florid Bul’akovan tekstat ollah elaigah pädijät mindäh sendäh yhtäpäi ollah jumoristizet , tossapäi sanellah rahvahan kaikis sydämellizis azielois .Akat jovvuttih vahnoin kodih , jogahine omah luaduh painau omua pahkua , yksinäžytty da miehettäh jiändiä .Naizet vie huaveiltas omua kodii , lämmiä päččii da ukkuo rinnal .Jo lykkymielellizikse vahnate tulluot hyö sanellah elaijan kai tovet .
Tädä histouriedu jo ozutti Kalevalan kyläteatru , ga vieljärveläzet ei tietty sidä .Kiändiä heil oli kuito parembi ven’an kielespäi , ei vienaspäi .Vienua sanotah tundemattomakse .Enzimäzen kerran nähtih ven’ankielizen spektaklin Petroskoil suures druamuteatras , sitgi tuli mieleh oppie lad’d’ata se omah luaduh , karjalazeh .Ohjuaju ližäi tekstah uvven geroin – kylän piälikön Nikolai Ivanovičan , ku teatran vuadimattomal artistal Volod’a Nikitinal olis oma pieni rouli da häi rakkahembal kävys repetitsieloih akkah Tatjananke .Moizel viizahuol “Randaizes ” nygöi on kaksi miesty – se on lykky .Yksi on vieljärveläine Vladimir Nikitin , toine nuožarvelaine Viktor Arestov , kudai kaksin kerroin nedälis kehtuau ajella Vieljärveh .
Vieljärveläzet otettih vastah uvven spektaklin aiga hyvin , nagrettih erähät itkussah .Et joga kylän čupul sua kuulta mostu čomua oigiedu liygii .Enzi-illan jälgeh teatralazet ruvettih keriämäh kamsuloih matkah .Jo tossargen oli pluanu ozuttua kummakkahien buaboloin elaigua Priäžäs Nuorižon talois .
Meneskendeltih Vieljärven buaboit miehele
карельский: ливвиковское наречие
Новописьменный ливвиковский