Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Filatova. Lapsed tegeba tedoavaidused
Maria Filatova
Lapsed tegeba tedoavaidused
вепсский
Младописьменный вепсский
8. päiväl
sulakud Petroskoin suomalaiž-ugrilaižes školas oli vedetud Lönnrotan lugemižed - tedokonferencii openikoiden täht .Konferencii vedetas jo 15.kerdan .Täl vodel se oli tehtud tetaban tedomehen , fol’kloran keradajan Elias Lönnrotan 215-voččen sündundpäivän kanman .Necil päiväl suomalaiž-ugrilaine škol oli täuz’ adivoid .Tänna tuliba lapsed ičeze kazvatajidenke da opendajidenke , tuliba kaik , ked navediba opetas i ked tahtoiba starinoita ičeze völ peniden , no tärktoiden tedoavaidusiden polhe .
Konferencijaha ühtni 37 openikad Petroskoin erazvuiččiš školišpäi .Ičeze dokladoid ezitiba suomalaiž-ugrilaižen školan , 17.gimnazijan , 30.gimnazijan da 29.školan openikad .Konferencijan ühtnikad opendasoiš 2-9 klassoiš .
Žurijoukus oliba aspirantad da tedomehed , školiden opendajad , lapsiden päivkodin holetajad , metodistad da lehtmehed .
Konferencijal radoi kuz’ sekcijad .Kodirandan istorii-sekcijas starinoitihe Karjalan lidnoiden istorijas , Kiži-sares , kodirandan londuses .Kul’turan bohatuzsekcijas pagištihe Karjalan tradicionaližiš sömižiš , karjalan rahvahan poimetišen , sädoiden , lapsiden vändoiden polhe .Ezmäižed haškud tedoho-sekcii oli täuz’ todesižid tedoavaidusid .Ozutesikš , F’odor Ovčinnikov , suomalaižugrilaižen školan nelländen klassan openik todišti , miše Jägi-bab da Süojatar oma läheližed sarnan henged , hö koskuba toine toižehe .Neciš - žo sekcijas pagištihe Kalevala-eposan sündundan polhe , karjalaižiden ozoitesiden polhe .Gumanitariližes sekcijas lapsed starinoičiba ičeze avaidusiš keliden alovehes .Ozutesikš , suomalaižugrilaižen školan kahesanden klassan openik Alijev Metin starinoiči , miše suomalaiž-ugrilaižil da t’urkilaižil kelil oma ühtejiččed pirdad .Hän ozuti , miše azerbaidžanan kelen da suomen kelen strukturas om äi ühteiččid sändoid .Lönnrotan lugemižedkonferencii om äipoline .Konferencii avaidab ičeze uksid kaikile penile tedomehile .Tägä lapsed ozutaba ičeze tedoavaidusid ei vaiše kelen da literaturan temas .Muga erased lapsed surel tahtol starinoičiba kudmaižen polhe , eciba pätusid erazvuiččihe küzundoihe – om-ik mašin hüvä vai paha azj , voib-ik olda bumagal toine elo i muga edemba .
No kaik-se äjad dokladad koskiba suomalaižugrilašt temad .Muga Etnolingvistižed oppindadsekcijan dokladad koskiba suomalaiž-ugrilaižid kelid niiden sidos kul’turaha .Ozutesikš , Gorohova Jekaterina Suomalaiž-ugrilaižen školan ühesanden klassan openik starinoiči karjalan rahvahan sarnoiden polhe .Hän sanui :
”Minä lugin karjalaižid sarnoid internetas , ved’ nügüd’ ned om pandud internetha .Mugažo urokoil mö lugim sarnoid da kändim niid .Minei oma mel’he sarnad , sikš miše , konz luged sarnad , ka näged , kut ende eli rahvaz , midä mahtoi , voib tedištada rahvahan veroid , uskondad .Tahtoin jatkta necidä oppindradod edemba-ki ”.
Lönnrotan lugemižedkonferencijan kaik ühnikad saiba hüvid arvoid .Heile lahjoitihe kitändkirjeižid , kaikutte vägesti miččes-se nominacijas .Ezmäižen sijan sai 29.školan kudenden klassan openik Raugijanen Nikita .Hänen dokladan nimi oli ”Rahvaz om minun Kodima ”.
Lapsed tegeba tedoavaidused
вепсский
Младописьменный вепсский
”