Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Guillaume Gibert.
Vepsläižiš pagištihe Francias
Источник:
Kodima. № 4, 2017, с. 5
Guillaume Gibert
Vepsläižiš pagištihe Francias
вепсский
Младописьменный вепсский
Männudel vodel Le Puy-en-Velay-lidnas oli universitetan seminar, miččel minä pagižin N.
Zaicevan Virantanaz-eposan da sen hengiden Airan, Anin da Tal’oin polhe.
Kaikil kundlijoil konferencijal oli sur’ melentartuz’ vepsän eposaha, sikš P.
Presumey, Le Puy-en-Velay-lidnan Guillaume Bude-kul’turjoukun pämez’ kucui mindai necil vodel keväz’kun 10.
päiväl konferencijale ezitamaha vepsän kul’turad, literaturad da kel’t.
Francias, paiči suomalaiž-ugrilaižid tundijoid, niken ei teda, ked oma vepsläižed, niken nikonz ei kulend čomad vepsän kelen muzikad, niken nikonz ei voind sada ihastust vepsän runoiden čomudes…
i minä tahtoin jagatas sil heidenke.
Konferencijan ezmäižes palas oli ”pen’ istorii vepsoiš”: starinoičin kut oli sanutud vepsoiden polhe jo amu, Iordanan hronikoiš (VI voz’-sadal) da venälaižiš hronikoiš i kut A.J.
Šogren, XIX voz-sadal ”löuzi” vepsläižid, i mikš nimiti vepsän kel’t ”suomen kelen sanskritaks”…
jäl’ges sel’genzoitin kut vepsän kirjkel’ om sündunu, starinoičin Šoutjärven etnografižes muzejas, Kodima-lehteses, Kodirandaine-programmas, Elonpu-praznikoiš…
Konferencijan toižes palas oli pen’ vepsän literaturan ezitamine.
Olin valičenu N.
Abramovan, V.
Lebedevan i N.
Zaicevan tekstoid i lugin kändmižid francijan kel’he.
Mö kundlim mugažo Kirjakamari-programman paloid, miččiš G.
Baburova lugeb N.
Abramovan i V.
Lebedevan runoid.
Mö kacuim vepsän man fotoid.
Runoiden čomuz’ koski ristituid.
Äjad sanuiba minei, miše oli erazvuitte vägi i erazvuitte muju neniš tekstoiš.
Kaikile konferencii tuli mel’he, kaikutte oli ilokaz i kaikutte, voib olda, necil öl, uništi vepsläižiš mecoiš da järviš i, voib olda, Ojat’- jogen randoiš…