Тексты
Вернуться к списку | редактировать | удалить | Создать новый | История изменений | Статистика | ? Помощь
Adivod Petroskoišpäi vepsän man školiš
Adivod Petroskoišpäi vepsän man školiš
вепсский
Младописьменный вепсский
Tämbei
Šoutjärven da Šoksun školad vastsiba adivoid Petroskoišpäi .Larisa Smolina da Ol’ga Sobolenko oliba sigä kahten : Larisa – Vepsän kul’tursebran da Karjalan radion polespäi , Ol’ga – Karjalan rahvahaližen politikan ministerstvaspäi .Hö vaumičiba lapsile čoman programman .Ezmäks hö tegiba mugoižen akcijan ”Midä minä tedan igähižiden rahvahiden polhe ”.Hö küzuiba , midä znamoičeb termin ”igähine rahvaz ”, miččed igähižed rahvahad eläba Karjalas , miččehe kel’kanzaha mülüb vepsän kel’ , miččed praznikad tehtas vepsläižiš küliš da m .e .Heile oli melentartušt mugažo kacta , kut lapsed hüvin tedaba da el’gendaba vepsän kel’t .Ozutesikš , kut hö voiba käta venän kel’he mugoižid vaihid , kut ”pagišta oc ocha ”, ”jumalanlehmäine ”, ”vauged uni ” da toižid .
Sid’ hö ezitiba openikoile Pagiškam vepsäks !-video-urokad .Ned läksiba eloho muloi Vepsän kul’tursebran abul da Karjalan Rahvahaližen politikan ministerstvan rahatugel .Neciš projektas radoi lujas äi ristituid .Scenarijoid video-urokoile kirjutiba lehtmehed , tedomehed , opendajad da vepsläižed aktivistad .Sjomkoihe ühtniba vepsläižiden küliden eläjad , heiden lugus oliba openikad Kalagen da Šoutjärven školišpäi .Täl vodel planoiš om tehta völ viž liža-urokad , sjomkad linneba jo necil kezal .A jo sügüzel lapsed saba uzid diskoid videourokoidenke .
Vastusen lopus Larisa da Ol’ga ihastoitiba openikoid čomal fil’mal .Sen tegi kaks’ vot tagaze Moja planetatelekanal .Sjomkad fil’man täht mäniba Änižröunan vepsläižiš küliš .Fil’man nimi om ”Vepsläižed , Kändmižen jügedused ”.Fil’mas ozutadas vepsläižed külänikad , vepsän rahvahan uskondveroid , vanh Iona-Jašjärvelaine monastir’ da Uz’ Zavet -kirj .Vepsän kel’he sen kändi Nina Zaiceva .Fil’mas voib kacta , kut rahvaz el’gendab Jumalan tekstad ičemoi kelel .
Kaik lapsed oliba hüviš meliš .Hö lujas tarkas kundliba kaiken , andoiba hüvid vastusid kaikihe küzundoihe i sanuiba , miše möst varastaba vepsläižid aktivistoid ičeze školihe .
Adivod Petroskoišpäi vepsän man školiš
вепсский
Младописьменный вепсский