Тексты
Вернуться к списку | редактировать | удалить | Создать новый | История изменений | Статистика | ? Помощь
M. Oblakov. Min-se tarbhaižen polhe
M. Oblakov
Min-se tarbhaižen polhe
вепсский
Младописьменный вепсский
Karjalan
Rahvahaližes muzejas semendkun lopus oli avaitud ”Naida – om kuti udes sünduda .Karjalan saiverod ” («Жениться , что заново родиться .Свадебная обрядность Карелии »)-ozuteluz .
Nügüdläižes mirus ristituil oma erazvuiččed kaceged sajaha (svad’baha ).Erased jagaba ičeze elod – ”edel sajad ” da ”sajan jäl’ghe ”, erased johtutaba sajas , kut kaikid parahimas päiväs elos , kense muštab , kut vaumičihe necikš tarbhaižeks da znamasižeks päiväks .Kaik paksumba nored mehed eläba ühtes vändmata sajid , ei vahvištagoi ičeze tundmused da statusad azjbumagoil .Nügüd’ om lujas äi mamoid-üksjäižid .Muzejan pämehen Mihail Gol’denbergan sanoiden mödhe , globalizacijan aigan mö kadotim midä-se lujas tarbhašt .
Nügüd’ perehes nägub kaik ühthižkundan vastkarižid problemoid .
Muzejan radnikad tahtoiba istorialižil azjbumagoil da kaluil ozutada nügüdläižile ristituile , miše endevanhad verod oliba tarbhaižed , ned ozutiba sajan znamoičendad ristitun elos .Sai oli kuti uz’ ristitun elon etap .Sen taguiči sündui pereh .
Ozutelusen avaidamine zavodihe ”Kajahuš ”-etnokollektivan ezitusel .Kollektivan ohjandajad oma nored neiččed – Jana Lorvi da Aleksandra Solovjova .Kollektivan ühtnikad ozutiba , kut XIX-voz’sadal nored kerazihe besedoile .Mugažo oli ozutadud erazvuiččid veroid : kasoiden riškotand , kozičend .
Ozutelusen pämez’ , Karjalan Rahvahaližen muzejan radnik Tatjana Berdaševa starinoiči sajan peittradicijoiš .
Ozutelusen pähenged oma ženih da nevest , noid , voikai da nored neiččed .”Sikš ku ende rahvaz uskoi erazvuiččihe primetoihe , meil oli taht ozutada magižiden ritualoiden znamoičendad . Sil aigal tobjimalaižel kalul voi olda noidasine vägi .Ozutesikš , kirvez vai kunut noidan kädes oli abunikan prizoraspäi ”, – starinoičeb Tatjana Berdaševa .
Ozutelusel om ezitatud Rahvahaližen muzejan keradamišton unikaližid kaluid : noididen kaičimid da amuletoid , tradicionaližid sädoid , poimdud käzipaikoid .Karjalan Rahvahaline arhiv ozutelusen täht valiči karjalaižiden sajiden da besedoiden fotoid , miččid XX-voz’sadan 30.-vozil tegi tetab karjalaine tedomez’ da kirjutai Aleksandr Linevskii .
Ozutelusen tarbhaine pol’ om nimes – ”Karjalan saiverod ”.XIX-XXvoz’sadoil Karjalas eliba paiči karjalaižid vepsläižed , venälaižed .Kaikuččel rahvahal oli ičeze tradicijoid da veroid .No ozuteluz ei ole jagatud paloihe .Sil om ezitadud rahvahiden ühthižid polid , se , midä arvosti kaikutte rahvaz da midä sirdi ühtes pol’vespäi toižehe .
Perehen udessündutamižen problem om tarbhaine , a rahvahiden tradicijoiden , veroiden (niiden lugus saiveroiden-ki ) udessündutamine om aktualine .Miše ”säta ” perehen , pidab el’geta , miše se om vastusenpidäi da lujas tarbhaine azj , kaikid tarbhaižemb azj elos .
Ozuteluz radaškandeb 15.päivähasai redukud .
Min-se tarbhaižen polhe
вепсский
Младописьменный вепсский