Тексты
Вернуться к списку | редактировать | удалить | Создать новый | История изменений | Статистика | ? Помощь
Ekzamenad kodikelel
Ekzamenad kodikelel
вепсский
Младописьменный вепсский
Jo
koumanden kerdan Karjalas tehtas valdkundaline lopekzamen kodikelel 9.klassoiden openikoiden täht .Nügüd’ kaikuččel openikal , kudmab opendab školas kodikel’t , om mugoine voimuz valita ekzamenan täht necidä predmetad .
Täl vodel Karjalan školiš kodikelen ekzamenad kirjuti 32 mest .Heišpäi – kaks’ vepsläšt Petroskoin suomalaiž-ugrilaižes školaspäi .Pidab sanuda , miše Opendusen kehitoitandan institutan radnikad , kodikeliden opendajad da tundijad paniba äi vägid sihe , miše vaumištada kriterijoid arvostelendan täht .Openikoile kaikuččes biletas taritihe kaks’ tegendad .Ühten tegendan oli tekst .Pidi lugeda sidä da antta vastused koumehe küzundaha .Toižen tegendan oli pagin .Openikale tarbiž oli starinoita taritud teman mödhe .Starinas pidi kävutoitta ei vähemba , mi 18 sanundad .Sidä , kut openik andab vastused küzundoihe da starinoičeb ičeze temad , änetadihe diktofonoile .Sid’ nenid änetusid kundliba ekspertad da arvostiba niid .Temad tekstoiden da paginoiden täht oli valitud erazvuiččed .Kaik ned koskiba vepsläšt , karjalašt da suomalašt kul’turad – rahvahiden tradicijad , verod , tetabad mehed .
Pidab sanuda , miše openikad hüvin pidiba ekzamenad .Midä koskeb vepsläižid , ka molembad neičukaižed saiba hüvid arvsanoid – ”nel’l’ ” da ”viž ”.Karjalas pagištas äjan siš , miše tulijal aigal 11.klassoiden openikoil-ki oliži voimuz kirjutada ühthišt valdkundališt ekzamenad kodikelel .No kuni nene oma vaiše paginad , toivotagam nügüdläižile pästnikoile satusid da ozad , päzugaha opendamhas kaikutte heišpäi sinna , kuna henged vedäb .
Ekzamenad kodikelel
вепсский
Младописьменный вепсский