Тексты
Вернуться к списку | редактировать | удалить | Создать новый | История изменений | Статистика | ? Помощь
Jatkta radod kodikeliden kaičendan poles
Jatkta radod kodikeliden kaičendan poles
вепсский
Младописьменный вепсский
Karjalan
valdkundan päivän Artur Parfenčikov vastsihe vepsläižiden , karjalaižiden da suomalaižiden ezitajidenke .Ühtes hö pagižiba igähižiden rahvahiden etnokul’turižes kehitoitandas .
Tetab Karjalas valdmez’ , karjalaine aktivist Tatjana Klejerova starinoiči valdkundan eskaigaižele pämehele karjalan kelen kaičend - da kehitoitandrados .Jäl’gmäižil vozil siš poles oli tehtud lujas sur’ rad .Tatjana Klejerova : ”Mö tegim lehtesed da kulehtesed karjalan da vepsän kelel .Petroskoin universitetas voib opeta nenid kelid .Niid voiba opeta lapsed školiš .Meiden radon taguiči oli tehtud Suomalaiž-ugrilaine škol .Nece om sur’ satuz ”.
Mugažo pagištihe holiš .Kaik-se lapsid , kudambad opendaba kodikelid školiš , ei ole muga äi .Sanutihe küliden problemoiš-ki .
”Nügüd’ olem hüviš kosketusiš valdkundmehidenke . Tegem ühthišt radod Karjalan Kul’turan ministerstvanke , Opendusen ministerstvanke , Rahvahaližen politikan ministerstvanke .Meid el’getas , meid kundeltas .Mö ičemoi polespäi nevom , kut tarbiž kehitoitta kelid da kul’turad .Olem ”tedajad ” neniš azjoiš ”, – sanui Tatjana Klejerova .
”Om lujas tarbhašt , miše mö kaičim meiden igähižiden rahvahiden keled nügüdehesai . Tarbiž , miše lapsed školiš da päivkodiš opendaižiba niid .Olen vaumiž kundelta teid neniš küzundoiš , olen vaumiž abutada teile neniden küzundoiden pätandas ”, – sanui Artur Parfenčikov .
Jatkta radod kodikeliden kaičendan poles
вепсский
Младописьменный вепсский