Тексты
Вернуться к списку | редактировать | удалить | Создать новый | История изменений | Статистика | ? Помощь
M. Oblakov. Naižile – oiktused, norištole – voimused!
M. Oblakov
Naižile – oiktused, norištole – voimused!
вепсский
Младописьменный вепсский
Kezakun
lopus Karjalan Belomorskan rajonas oli tehtud seminar , mitte oli Venäman igähižiden rahvahiden naižiden da norišton oiktusiden da voimusiden ližaduz-projektan pala .
Projektad vedäb Karjalan sebr , miččen nimi om “Nevond ”.
Seminarale tuliba kul’tur -, openduzradnikad , sebroiden ühtnikad , školiden openikad Karjalan koumes agjaspäi .
Seminar mäni kaks’ päiväd .Ezmäižel päiväl seminaran ühtnikad kacuiba unikališt arheologišt kompleksad – Vauktan meren petroglifad .Vauktan meren petroglifad-muzejan radnik Ales’a Krivohat’ko vedi melentartušt ekskursijad , miččes starinoiči , kut pohjoižmale tuliba ezmäižed eläjad , mitte elo oli heil .
Pomoroiden kul’turan keskuses oli tehtud vastuz , miččes pagištihe Karjalan igähižiden rahvahiden problemoiš da Karjalan maiden kehitoitandan polhe .Tervhensanad vastusel sanui Belomorskan rajonan administracijan pämez’ Vladimir Popov da Nevond-sebran pämez’ Jelena Leontjeva .
Pomoroiden keskusen pämez’ Ol’ga Stepanova starinoiči Verni , biluju slavu , Sumposad-projektan radon polhe .Projektan päidei om antta ut elod vanhale posadale , sirtta veresid melid radho , mitte om oigetud istorijan oppindaha , mugažo antta külän eläjile voimusen rižada ičeze tärktad znamoičendad sures azjas .
Karjalan Tedokeskusen Ekonomikan institutan tedoradnik Inna Čubijeva eziti Lang männudespäi aigaspäi tulebaha aigaha – dokladad .Hän starinoiči tehtud projektoiden polhe , miččed oli oigetud kul’turan da londusen kaičendaha .
Šokš-školan pämez’ Nina Koren’kova starinoiči udes projektas , miččen pätegendan om parembzoitta Šokšposadan irdnägod , tehta küläd melentartuižen turistoiden täht .
Karjalan rahvahaližen politikan ministerstvan radnik Jevgenija Šustova sanui , miše ministerstv voib tugeta rahoil projektoid , miččed abutaba kehitoitta da kaita Karjalan igahižiden rahvahiden kul’turad .
Radpäivän lopus oli tehtud mastar’-klass , kus opetihe tehmaha koukuine avadimiden täht .
Toižel seminaran päiväl adivod läksiba pomoroiden Sumskii Posad-küläha , kus necil päiväl oli sur’ fol’klorpraznik .Seminaran ühtnikad nägištiba , kut radab Verni , biluju slavu , Sumposad-projekt , miččen polhe oli pagin seminaral .Seminaran ühtnikoiden täht oli vaumitud melentartuine kul’turprogramm : heid vedädihe posadan vanhoid irdoidme da ozutadihe heile posadan znamasižid sijoid .Mugažo adivod käveliba Suhoje-vanhas küläs da kacuiba Petran da Pavlan pühäpertid , mitte sijadase Virma-posadas .Seminaran melentartuine da bohat programm andoi voimusen sen ühtnikoile tedištada Pomorjen kul’turad , mugažo vajehtadas tedoil da mahtoil projektoiden rados .
Karjalan mal om bohat istorii .Om žal’ , miše äjad istoriližed muštpachad , miččed sijadasoiš edahaližiš küliš , ei olgoi tetabad .Mugoižed seminarad abutaba rahvahale tedištada znamasižid sijoid da andaba toivon , miše nene sijad kehitoitasoiš tulijas aigas .
Naižile – oiktused, norištole – voimused!
вепсский
Младописьменный вепсский