Тексты
Вернуться к списку | редактировать | удалить | Создать новый | История изменений | Статистика | ? Помощь
Darja Kirilina. Pen’ matk Suomehe
Darja Kirilina
Pen’ matk Suomehe
вепсский
Младописьменный вепсский
Kaikuččen
voden lapsed , kudambad opendaba kodikelid , ühtneba valdkundaližehe olimpiadaha suomen , karjalan da vepsän keliden mödhe .Vodel 2017 kezakus jo vanhan tradicijan mödhe vägestajiden täht Suomes oli tehtud lager’ .
Nece oli minun ezmäine tundištoituz Suomenke .Matk jäti äi hüvid johtutesid minun muštho .Se jatkui kuz’ päiväd .Meid oli kahesa last da kaks’ kuratorad Natalia Jurjevna Grigorjevskaja Petroskoišpäi da Raisa Ivanovna Ribakova Kalevalaspäi .
Suomes mö elim čomas sijas läz Nurmes-lidnad .Kaikutte päiv oli täuttud erazvuiččil melentartuižil azjoil .Mö openzimoi ampmaha taugaspäi , soudmaha kanoel , kävuim saunaha , pühäkodihe , časoun’aha , skaladromale , huzaižim velokezroil .Meil oli voimuz oleskelda möndkeskusiš i ostta lahjoid ičemoi heimolaižile da sebranikoile .Meiden täht oli tehtud ekskursii Nurmes-lidnadme .Naine , kudamb tegi tundištoituzmatkan , kucui meid adivoihe ičeze pert’he .Hän oli lujas adivoičetajan , ozuti meile pertin , adivoičeti meid čajul magedusidenke , fruktoil da jähižel .Kaik mö jäim hüviš meliš .
Jäl’gmäižel päiväl mö kävuim järven randale žarmaha sosiskoid .Sigä mö vändim erazvuiččihe karjalaižihe vändoihe , tegim fotokuvid da hüvin mänetim aigad .Oli lujas vessel .
No aig mäni lujas hotkas i meile pidi pörttas kodihe .Nece pen’ matk lujas tuli minei mel’he .Se lahjoiči uzid sebranikoid , unohtamatomid tundmusid , hüvid johtutesid .Suomalaižed oma lujas hüväsüdäimeližed ristitud .Suomes om čoma londuz .Minä tahtoižin pörttas sinna möst .
Pen’ matk Suomehe
вепсский
Младописьменный вепсский