Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Anhimova. Muzejan jubileivoden däl’ged
Natalja Anhimova
Muzejan jubileivoden däl’ged
вепсский
Младописьменный вепсский
Kirjeine
redakcijaha : Muloi Šoutjärven vepsläine etnografine muzei praznuiči ičeze jubilejad .Sen pämez’ Natalja Anhimova starinoiči meile , midä toi muzejale männu voz’ .
Tal’vkuul muzejan radnikad pidetihe meles sen muštosen , miččen dät’ miile kaikile Rürik Lonin .Hän sanii : ”Keradan vanhid kaluid da tegen muzejan lapsile .Sikš , mise nored tet’he ičeze rahvahan istorijan da kul’turan ”.
Kaik tö tedat , mise necil vodel , 28 redukuul , muzejale töudi 50 vott .Necil kuul , mö kerazimei kaik ühtes IV konferencijal ”Loninan lugendad ”.Nece oli suur’ vastuz , Šöutarvehe tuli enemba sadad mest .
Minun mel’t möto , vodes om tehtud suur’ rad , da se om hüvä .Necil radol mö znameičim Rürikan Loninan azjan da sel’ktäs radeim edeleze .Melevašti ünäižen voden mö äi kerdoid vastimei noridenke , ken čomin pagižeb ičemei vepsän kelel da tahteib da teggob , mise enemba tet’he vepsän kul’turan da veroiden pol’he .Oiktan da parahiman azjan vöd’he Marija Filatova da Lara Smolina , ii üht kerd hö ol’dhe muzejas , ot’he miid paginaha , siiš tuld’he čomad vastused .Voib sanuda , muga muzei pidi vodes paginan rahvahanke .
Kezal muzejaha ajelihe rahvaz Venämaspäi , Suomespäi , Franciaspäi .Paksus ol’dhe perehen kacijad : vanhembad da lapsed .
Lapsidenno mö , muzejan radnikad , mänim i voden lopus .Mel’t möto om se , mise mö olim kaikiš koumes vepsän školas : Kaleiges , Šöutarves , Šokšus .Miid lujas hüvin vasttihe školide mehed , opendajad da openikad .Tuli se aigeine , konz openikad el’getihe vepsän kel’t paginas .Paginad mö viim Rürikan Loninan azjide pol’he , tal’ven prazdnikoide pol’he , kut ned mäniba vepsän perehiš ende .Völ oli oikti , minun mel’t möto , kuviden ozutez vepsän kü-lid möto , konz voi nähta , miččed küläd ol’dhe ende , pol’ sadad vott tagaze , da miččed oma nüguni , mida mö kaičim da mida kerbotim .Minä meletan , mise nenišpäi vastusišpäi tulob himo proita nened vepsän küläd döugil da mašinal .
Döksob aig , školha tuldaze uded openikad , uded pol’ved – hö oma dö toižed .Kut ozutada , kut starineita vanhide čomusiden pol’he ?Mise el’getihe , mitte om sija niil nügudlaižes elos .Meletan , lapsile tariž nähta da teta ičeze vepsän man istorijan pol’he .Oikti om se , mise školas oma mugoižed urokad !
Muzejan jubileivoden däl’ged
вепсский
Младописьменный вепсский