Тексты

Вернуться к списку | редактировать | удалить | Создать новый | История изменений | ? Помощь

Ruavon eččijoile abuh

Корпус: младописьменный подкорпус

Новописьменный ливвиковский, публицистические тексты

Источник: Elina Potapova, Oma Mua. № 12, (2017), с. 3

Ruavon eččijoile abuh
(карельский: ливвиковское наречие)

Lövvä ruadokohtu tänäpäi! moizel deviizal 22. kevätkuudu Petroskois avattih erähänkerdaine vällien ruadokohtien jarmanku. Tavan mugah jarmanku piettih Lapsien da nuorižon luomisruavon dvorčas. Jarmanku nimel “Karjera-2017on tarkoitettu ammatillizien opastuslaitoksien loppenuzile da ruavottomile nuorile. Ruadokohtua niilöile kehoitettih Karjalan, Leningruadan da Voulogdan alovehien da Piiterin laitokset. Monet toizien alovehien ruavonandajat taritah ruadajile eländykohtatgi. Kaikkiedah jarmankas oli ezitetty 1125 välliä ruadokohtua. Omis programmois kerrottih opastuslaitoksetgi. Pivon hantuzis piettih seminuaru algajih biznesmiehih niškoi da ruadopaja, kuduan aigua opastettih oigieh kirjuttamah rez’ume. Konsul’tatsiipunktas kaikin voidih suaja tarvittavua abuu da ližiä tieduo ruavonečonvirrastolois.
Joga vuottu Karjalan ruavonandajat tarvitah läs 6 000 spetsialistua, 60% niilöis suadih ammatillizen algu- da keskiopastuksen, sanou Karjalan tazavallan ruadoministerstvan ministran sijahine Jelena Frolova. Virgunaine mainiččigi hyviä Karjalan tazavallan školien ammattivalličuksen ruaduo, kuduadu hyö ruatah nuorien ruadoh da opastundah potakoiččijes.