Тексты

Вернуться к списку | редактировать | удалить | Создать новый | История изменений | ? Помощь

Urojärven rannal pandih alguh “Kylän laboratouriet”

Корпус: младописьменный подкорпус

Новописьменный ливвиковский, публицистические тексты

Источник: Margarita Kemppainen, Oma Mua. № 12, (2017), с. 5

Urojärven rannal pandih alguh “Kylän laboratouriet”
(карельский: ливвиковское наречие)

ECHO -etnokul’tuurizien keskuksien assotsiatsii pidi kolmen päivän seminuaran Kylän laboratouriet -projektan hantuzis. Opastusseminuarah tuli Karjalan etnokul’tuurizien keskuksien, muzeiloin, kul’tuuruda opastuslaitoksien ruadajua.
Seminuaru piettih 24.–26. kevätkuudu Urojärvi-lebävö-kohtas, kunne kerdyi rahvastu Belomorskas, N’uhčas, Kalevalas, Haikol’as, Jessoilas, Čalnas, Anukses da Alavozespäi. Opastajikse oli kučuttu Ven’an treeneroin assotsiatsien treenerua da Teodor Hoissan nimizen kolleegien treenerat Jelena Bobrovskaja da Jevgenija Buharinova.
Seminuaran aigua kaikin suadih nähtä Karjalan etnokeskuksien ruavon tuloksii da opastuo uuzih ruadotaboih kul’tuuruperindölöin säilyttämizekse, luadimah biznesspluanoi da ohjuamah etnokeskuksien ruaduo.
Kylän laboratouriet -projektu on tarkoitettu Karjalan etnokeskuksien kannattamizekse da se rubieu ruadamah kolmen kuun aigua.
Sulakuus da oraskuus pietäh “Ekspertnoit desantat”, kudamis arvostetah etnokeskuksien ruaduo. Ielleh oraskuus da elokuus ruvetah pidämäh “Laboratornoit praktiekat”, kudamien aigah otetah käyttöh nelli uuttu etnokul’tuuristu ideidu:
etnokul’tuuru da kielipraktiekatPriäžän piiri,
kylä- da entoturizmuBelomorskan piiri,
muzeiloin perustamineKalevalan piiri,
karjalazien käzineroloin aktualizatsiiAnuksen piiri.

Projektan jälgimäzenny pivonnu rodieu Karjalan tazavallan etnokeskuksien fourumu, kudai pietäh syvyskuus. Fourumas ruvetah šeikuimah projektan tuloksii.