Тексты
Вернуться к списку | редактировать | удалить | Создать новый | История изменений | Статистика | ? Помощь
Сидоркин Валерий. Omissettu “Kalevalalla”
Сидоркин Валерий
Omissettu “Kalevalalla”
карельский: собственно карельское наречие
Новописьменный севернокарельский
Karjalan
Kanšallisešša kirjaštošša on tullun tavakši joka vuosi juhlie šitä päivyä , mi liittyy Elias Lönnrotin Kalevala-eepossan enšimmäisen painokšen ilmeštymiseh .Tänäki vuotena kirjaštošša oli avattu tällä tapahtumalla omissettu taitonäyttely .
Šiinä oli esillä tunnetun moskovalaisen taiteilijan , Venäjän kanšantaiteilijan ta Venäjän taitoakatemijan jäšenen M’ud Mečevin Kalevala-aihesie kaiverrukšie .
M’ud Mečev jo ammuin on kiäntyn Kalevalateemah .Hiän on ollun monen Kalevala-kirjan kuvittajana .Mečevin luatimat Kalevala-aiheiset kaiverruš-šarjat ollah kirjagrafiikan korkieluatuista mallie .Niijen luomisešta taiteilija oli palkittu Venäjän Valtijon Ivan Repinin palkinnolla šekä Šuomen halličukšen šuurella Elias Lönnrotin hopiemitalilla .Šuomešša hänet šamoin hyväkšyttih Kalevala-šeuran ulkomaisekši kunnivojäšenekši .
Kanšallisen kirjašton näyttelyššä on esillä M’ud Mečevin muššanvalkeita kaiverrukšie , kumpasie hiän oli luatin Kalevala-eepossan 1975 vuotena ilmeštynyöh šuomenkieliseh painokšeh .Jälešti tämä kirja oli kolmičči uuvveštah painettu šekä oli kiännetty venäjän kielellä .Kaiverrukšissa voit nähä eepossan tuttuja hahmoja ta juonija .
Näyttelyn lisäykšenä on vielä kuuši šuurta šeinätauluo yhtehisellä nimellä “Kalevalan innoššuttava muajilma ”.Näitä tauluja kirjašto käyttäy šiirtonäyttelynä .
Omissettu “Kalevalalla”
карельский: собственно карельское наречие
Новописьменный севернокарельский