Тексты
Вернуться к списку | редактировать | удалить | Создать новый | История изменений | Статистика | ? Помощь
Tatjana Torvinen. Joka paikkakunnalla on löyvettävä omat kehityšalat
Tatjana Torvinen
Joka paikkakunnalla on löyvettävä omat kehityšalat
карельский: собственно карельское наречие
Новописьменный севернокарельский
Kevätkuun 15.–17.päivinä
Karjalan tašavallan väliaikani piämiehen virkua toimittaja Artur Parfenčikov kävi työmatalla Koštamukšeh šekä Karhumäjen ta Kalevalan piirilöih .
Työmatka Karjalan pohjoispiirilöih alko käynnistä Karhumäjen maitotehtahalla .Artur Parfenčikov tarkisti maitotehtahan tiloja šekä piti neuvottelun tehtahan johtokunnan ta ruatajien kera .Maitotehaš , kumpani oli enšimmäisillä šijoilla tällä alalla , nyt on šeisatukšissa .Proplemat alottih vuotena 2014, konša tehtahalla tuli uuši omistaja .
– Meilä šemmosie omistajie Karjalašša ei tarviče , korošti Karjalan piämieš . – Pitäy löytyä uuvven investorin , kumpani rakentau uušie ošaštoja ta rupieu käyttämäh nykyaikaista konehistuo .
MATKA KOŠTAMUKŠEH
Koštamukšešša työmatan aikana Artur Parfenčikov kävi kaupunkin tärkeimmillä tuotantolaitokšilla : Koštamukšen Karel’ski okatiš -vuorikombinatissa ta AEK-yhtijöššä .
Karel’ski okatiš -kombinatti on Venäjän šuurimpie rautamalmituottajie .Rautamalmipellettien tuotantomiärien mukah kombinatti on piäššyn Venäjällä enšimmäisellä šijalla .Venäjällä tuotetušta pellettimiäräštä noin kolmannen ošan tuottau Koštamukšen kombinatti .
Koštamukšen rautamalmiesiintymä-alovehella kaivoštöitä on toimitettu jo 1982 vuuvvešta alkuan , ka rautamalmin varoja on nykyjähki vielä äijän .Federalisen Karjalan tašavallan kehityš 2020 vuoteh šuaten -tarkotušohjelman mukah kombinatissa on šuoritettu remonttityöt ta ašetettu uuši laittehisto .
TÄRKIET KYŠYMYKŠET NÄKYVIH
Tapuamisešša kombinatin ruatajien kera käsiteltih šemmosieki kyšymykšie , kumpaset huoleššutetah Koštamukšen kaikkie eläjie .Yksi tärkeimmistä koški liikennehyhteyttä .Artur Parfenčikov lupasi noštua tuon kyšymykšen käsittelyllä tapuamisešša Venäjän liikennehministerin Maksim Sokolovin kera 7.šulakuuta .Koštamukšelaiset toivotah , jotta Koštamukšen ta Petroskoin šekä muijen kaupunkien välillä olis järješšetty šiännöllini lentoyhteyš .Šamoin paikallini ta kaunpunkien välini linjaautoyhteyš on parannettava .
Yksi tehtahan ruatajista kyšy piämieheltä , mitein vois šuaha tašavaltah enemmän nuorie ammattimiehie .
– Vaštauš on helppo . Investoimalla , peruštamalla tietointensiivisie tuotantolaitokšie , kehittämällä kulttuurie ta korkiekoulutušta , vaštasi Artur Parfenčikov .
UUŠIE TUOTANTOLINTOJA
AEK-yhtijö on peruššettu Koštamukšešša 1993 vuotena .Vuuvvešta 2003 laitoš kuuluu Šuomen PKC Group OY -konsernih , kumpani on šuurimpie elektronikan tuottajie .Tehtahalla tuotetah autojen (varšinki Volvo - ta Scania -mallien ) šähköjohtoja .Nykyjäh tehtahalla ruatau yli 800 henkie , 90% ruatajista ollah naiset .
Šen lisäkši vuuvvešta 2016 laitoš rupesi tuottamah tuuligenerattorija tanškalaista Vestaskonsernie varoin .Uuvven tuotantolinjan avuamini anto mahollisuon työllistyä ta opaštua vielä noin 250 henkie .
KOŠTAMUKŠEŠTA SOSIALI-TALOUVELLINI KEHITYŠALOVEH
Venäjän lakien mukah monokaupunkiloilla on oikeuš šuaha ieštävän sosiali-talouvellisen kehityšalovehen statussi , mi antau mahollisuon šuaha šuurie investointija šekä etuja verotukšen kannalta .Šuahakšeh šemmoni statussi , pitäy valmistua anomuš , kumpasešša pitäy täyvellisešti šelittyä , mimmosie talouštoiminnan šuuntoja tämän oikeuven mukah ruvetah kehittämäh .Karjalan tašavallan hallituš yhteistyöššä Koštamukšen kaupunkipiirin ičehallinnon kera nykyjäh ollah valmistamašša šemmoista anomušta .
Koštamukšen kaupunkipiirin ieštävällä sosiali-talouvellisella kehityšalovehella on šuunniteltu kehittyä viisi investointiprojektie : ruokatavara -, tekstiili - ta vuate - šekä minerali-tuotanto , puunjaloššuš ta kauppatoiminta .Näijen projektien toteuttamini antau mahollisuon työllistyä vielä yli 150 ihmistä .
TYÖMATKA KALEVALAH
Työmatan Kalevalan piirih Artur Parfenčikov alotti käynnistä Mobergin taloh , missä tarkašti remontti - ta restaurointitöitä , ta šiitä tapasi Kalevalan kanšallisen piirin eläjien kera .
Mobergin talošša Parfenčikovilla esitettih arhitektuurin muistomerkin tiloja ta kerrottih , jotta remontin lopettamiseh tarviččou vielä kuuši miljonua rupl’ua .Nyt Kalevalan piirin halličuš yrittäy löytyä sponssorija .
Tapuamisešša kulttuurikollektiivien ta opaššušlaitokšien etuštajien kera oli noššettu kyšymyš etnokulttuurikeškukšien statussista .Nykyjäh keškukšet ei olla kiinitetty konkrettiseh kulttuurilaitokšen muotoh .Kalevalatalo-keškukšen varajohtaja Julija Kononova on varma , jotta še ei anna mahollisutta šuaha tukie valtijolta .
Artur Parfenčikov šano , jotta on hyvin tärkietä rutompah šuaha valmehekši tarvittava lakiprojekti .
Tapuamisešša kalevalalaisien kera Karjalan piämieš käsitteli kyšymykšie , kumpaset košettih uušien talojen rakentamista šekä teijen pahua kuntuo .Tänä vuotena piirissä korjatah kolme šiltua ta erittäin pahoja tiepätköjä .
Joka paikkakunnalla on löyvettävä omat kehityšalat
карельский: собственно карельское наречие
Новописьменный севернокарельский