Тексты
Вернуться к списку | редактировать | удалить | Создать новый | История изменений | Статистика | ? Помощь
Natto Varpuni. Tapahuš lapšienkentällä
Natto Varpuni
Tapahuš lapšienkentällä
карельский: собственно карельское наречие
Новописьменный севернокарельский
Mie
olen jo tottun , jotta rahvaš pihalla kyšytäh , millä kielellä mie pakajan lapšen kera ta malttauko hiän milma .Konša tunnen kiinnoššušta vierahan ihmisen puolešta , niin kerron tarkkah , millä murtehella mie pakajan ta kuin tämä karjalankielini kašvatuš mänöy , a konša on kiirehtä tahi ei ole haluo paissa vierahien kera , niin vaštuan lyhyöšti .Ka joka kerta vain ihmettelen ihmisie ta heijän mielie karjalan kieleštä .Kerran tapahtu meijän kera šemmoni juttu .
Tuarien kera kiikkuma kiikulla lapšienkentällä Petroskoin Kukonmäjellä 2.lapšienpoliklinikan pihašša .Tuarie kiikku , a mie häntä kiikutin .Tuli toini muamo pikku lapšen kera .Tuarie istu kiikun yheššä piäššä , a tyttö istuutu toiseh piäh .Niin hyö ni kiikuttih yheššä .Mie aina yritän kommentoija kaikkie , mitä myö Tuarien kera ruamma ta mitä niämmä , jotta hiän kuulis miun šuušta mahollisimman enämmän šanoja .Tämäki kerta ei ollun poikkehukšena .
– Miun Tuarie kiikkuu ta tyttö kiikkuu . Hyvät tytöt oletta , šanelin mie .– Tuarie istuu tällä puolella , a tyttö – tuolla puolella . Tuarie lentäy ylähäkši , tyttö alahakši .Nyt Tuarie alahakši , a tyttö ylähäkši .
– Työ pakajatta karjalakši ? naini kyšy venäjäkši .
– Niin , vaštasin mie .
Šiihi še pakina i loppu .Šiitä myö mänimä toisella kiikulla , a naini oman lapšeh kera mäni mäkie laškomah .Mie vain huomasin , jotta tämän naisen luo tuli ämmö ta hyö paistih šiinä keškenäh .Šiitä še ämmö kiirehti miun luo :
– Tytär sano , ku sinä pagizet oman lapsenke karjalakse !Tottugo ?kyšy ämmö livviksi .
– Ka no , vaštuan , – pakajan .
Naini ihaštu ta rupesi kertomah omašta kyläštä ta heimolaisista .Hiän yritti paissa karjalakši , ka konša ihmini ei pakaja kieltä pitän aikua , niin äšen jokapäiväset ta tavalliset šanat unohutah .Naisella oli vaikie löytyä niitä šanoja omašta mieleštä .Mie tulin apuh ta čuhkasin hänellä .
Ämmö hämmäšty , jotta ei ole opaštan karjalan kieleh omua tytärtä .Tytär malttau kuta-mitäki , no šujuvašti paissa ei voi .Mie neuvoin ämmyö tilata Oma mua -lehtie .Ka hiän tunnušti , jotta ei šuata lukie latinalaisilla kirjaimilla .Hiän vain kaččou Karjalan TV-lähetykšie , missä toičči on livvinkielisieki ohjelmie .Šamoin mie neuvoin häntä käyvä meijän Karjalan Rahvahan Liiton tapahtumih , missä kaikin ollah karjalaiset ta missä voit kylläsešti paissa omua kieltä .
Tuarie hyvällä mielin kuunteli meijän pakinua – harva tuntematoin ristikanša malttau mammua !Šiitä ämmö vieläi kyšy miulta nimikortin ta lupasi šoittua ta kyšyö , mitä karjalaisie tapahtumie meilä on .
Anna šoittau !Meilä on äijän miellyttävyä kuin aikuhisilla , niin ni lapšilla !
Tapahuš lapšienkentällä
карельский: собственно карельское наречие
Новописьменный севернокарельский
–