Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Troopikat pohjazes
Ol’ga Dubitskaja
Troopikat pohjazes
карельский: ливвиковское наречие
Новописьменный ливвиковский
Kondupohjan piirin
muzeis avavui trooppillizien liipukkazien ozuttelu .
Tämänmoine ozuttelu Kondupohjan piirin muzeis pietäh jo tostu kerdua .Enne sidä troopillizien liipukkazien ozuttelu oli nelli vuottu tagaperin .Liipukkazien ozuttelu tuodih Piiterispäi .
Täl kerdua ozuttelus on läs kymmendy troopillizien liipukkazien lajii .Ozuttelus suau nähtä , kui liipukkazet rodivutahgi .Eri kohtas – insektaries , riputah liipukkukuoret .Insektaries on erillizet ilmasto-olot – pädevy temperatuuru da nezevys .Sie liipukkazet kuorivutah kolme-nelli päiviä .Sit net riputah sie da kuivatah omii siibilöi .Vaiku sen jälles liipukkazet lähtietäh lendoh .
Liipukkazien elaigu on lyhyt net eletäh nelli-viizi päiviä , erähät lajit – nedälin .
Ozuttelus alalleh lendelöy läs viittykymmendy liipukkastu .Sie net syvvähgi apel’siinua da juvvah kastepizardu .
Paiči eläviä liipukkastu , ozuttelus on suuri kuivattuloin böbököin kollektsii – sie voibi nähtä liipukkua , böröidy , čirkua , skorpionua .Mikroskoupas suau kaččuo kärbästy , kudžoidu , hämähäkkii .On sie fil’mu liipukkazien lyhyös elaijas .
Ozuttelun kaččojil on mahto nähtä muailmua liipukkazen silmil .Sie on eriluaduzii liipukkumuvvozii očkazii , kudualois läbi nägyy , mittumakse ozuttahes muailmu liipukkazile .
Ozuttelus lapset voijah luadie poštukartočkua liipukkazienke .Ongi eriluadustu kižua liipukkazienke .
Troopikat pohjazes
карельский: ливвиковское наречие
Новописьменный ливвиковский