Тексты
Вернуться к списку | редактировать | удалить | Создать новый | История изменений | Статистика | ? Помощь
Marija Kirillova. Varapiä-ministeri on miärätty
Marija Kirillova
Varapiä-ministeri on miärätty
карельский: собственно карельское наречие
Новописьменный севернокарельский
Karjalan
halličukšen varapiä-ministeriksi on miärätty Larisa Podsadnik
Šulakuun 10.päivänä Karjalan tašavallan väliaikasen piämiehen virkua toimittajan Artur Parfenčikovin käšyllä Larisa Podsadnik on miärätty Karjalan halličukšen jäšenekši – varapiäministeriksi .
Yhtehiseššä tapuamisešša Artur Parfenčikov ta tašavallan halličukšen uuši sosialiblokin johtaja käsiteltih nykytilannehta Karjalan sosialialalla ta miärättih enšišijaset tehtävät , mit vuajitah piätöštä .
– Teilä on vaikie työala – terveyšhoito , opaššuš ta kulttuuri . Kaikilla näillä aloilla viime aikoina on ollun äijän kyšymykšie .Sosialialan proplemat Teilä ollah tuttuja ta nyt uuvvešša virašša rupietta niitä ratkaisomah , korošti piämieš Parfenčikov .
Karjalan tašavallan piämiehen mieleštä uuvven johtajan pitäy enši vuoroh ratkaissa kyšymykšet , mit košetah liäkkeijen turvuamista , onkologista apuo ta Perinatalisen keškukšen rakentamista tervehyšhoijon alalla šekä pienien koulujen proplemoja , piäšyö enšimmäisellä luokalla ta Presidentin kadettikoulun rakentamista opaššušalalla .
– Tehtävie on äijä . Luotan Teijän kokemukšeh ta tietoh .Olen varma , jotta še auttau meitä ruttoh optimisoija tilantehen sosialialalla , šano Artur Parfenčikov .
– Kiitän luottamukšešta . Miula on proplemojen ymmärtämini ta halu ruatua , ilmotti Larisa Podsadnik .
Lisyämmä , jotta KT :n väliaikasen piämiehen virkua toimittajan Artur Parfenčikovin käšyllä Valentina Ulič on vapautettu Karjalan halličukšen varapiäministerin virašta 9.šulakuuta .
Varapiä-ministeri on miärätty
карельский: собственно карельское наречие
Новописьменный севернокарельский