Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Oniegantagaine itkettäi
Ol’ga Dubitskaja
Oniegantagaine itkettäi
карельский: ливвиковское наречие
Новописьменный ливвиковский
Ozuttelus
on ezitetty muanruadajan elaijan kolme merkičyksellisty piduo – svuad’bu , armeijah kaimuandu da muahpanendu .Kaikil nämmil pidoloil on sama merkičys – eroittamine .Da kaikis nämmis pidolois ainos oli itkettäi , kudai itki iänel .Eräs moizii kuulužimii ven’an kielel iänelitkijöi oli Irina Fedosova .
Itkettäi on piälimäine avvuttai , toizeh , tundemattomah muailmah suattai .Moizii ritualoi piettih XX-vuozisuan alguh suate .Ritualu se hävii , konzu rodih nevvostovaldu da molodoit ruvettih menemäh kirjoih sel’sovietas .Rekrutskoi ritualu elbyi Suuren Ižänmuallizen voinan allus .Muahpanenduritualu da mustajazien perindö ollah nygöigi .
Ozuttelus on kaksi ozua – enzimäine on omistettu Irina Fedosovale , se kerdou itkuvirzilöis , ozuttau pivot , kudualois itkiettih .Sie on Fedosovas kirjutettuu itkuvirty , fotokuvua , vehkehty , kuduat ollah kiini svuad’bas , armieh suattamizes da muahpanendas .Sie suau kaččuo fil’mu Oniegantagazil mualoil eländytavas .Ozuttelus , paiči itkuvirty da fotokuvua , suau nähtä perindöllisty ruuttua , pertilomuu , ast'ettu , obrazua , dengua da muudu ezinehty .
Toizes ozutteluzualas suau tiijustua itkuvirzilöin keriäjis , tutkijois da ezittäjis .Sie on dokumentua , fotokuvua , audio - da videotehniekkiä , kuduan avul tutkijat kirjutettih rahvahis itkuvirzilöi da tostu fol’klourua .
Siegi suau tiijustua Irina Fedosovan elokseh nähte .
Kui sanoi iče Irina Fedosova , häi rubei itkettämäh svuad’bois jo nuorennu .“Jo lapsusaijas minä suvaičin kuunnella itkuvirty . Iče rubein itkettämäh , konzu susieduneičykky meni miehele , a itkettäjiä ei olluh .Kedä kuččuo ?Duumaittih da sanottih : “Paiči In’astu nikedä ei ole ”.Dai kučuttih ”.
Kaikin , ket tahtotah , suajah kaččuo fil’mu Irina Fedosovas da lugie hänel kirjutetut itkuvirret .
Ozuttelu rubieu ruadamah kezäkuun 12.päiväh suate adresil Kirovan lagevo , 10A .
Oniegantagaine itkettäi
карельский: ливвиковское наречие
Новописьменный ливвиковский