Тексты
Вернуться к списку | редактировать | удалить | Создать новый | История изменений | Статистика | ? Помощь
Karjalan kantakanšojen aktiivini toiminta
Karjalan kantakanšojen aktiivini toiminta
карельский: собственно карельское наречие
Новописьменный севернокарельский
Vuosi 2016 oli
hyvin tulokšekaš Karjalan tašavallan kantarahvahien etnokulttuurikehitykšen ta šuomelais-ugrilaisen yhteistyön šuunnalla .Oli julkaistu šuuri miärä kirjallisutta karjalan , vepšän ta šuomen kielillä , vietetty VIII Karjalan tašavallan karjalaisien kerähmö ta Šuomelaisugrilaisien joukkoviestimien forumi , toteutettu kanšalaisjärještöjen noin 20 kompleksiprojektie .Vuotena 2017 Karjalan tašavallan kantakanšoja niise vuotetah šuuret toimehpivot .Niistä vaštuau KT :n Kanšallisušpolitiikan ministerijö .
TVERINKARJALAISET
Vuosi 2017 on merkillini karjalaisilla ta erityisešti tverinkarjalaisilla .Tverin alovehella vietetäh monta toimehpituo , mit on omissettu karjalaisien šiirtämisen Tverin mualla 400-vuotispäivällä .
Šuunnitelmien mukah , Karjalan tašavallan kanšallisen kulttuurin päivä Tverin alovehella pietäh Lihoslavl’-kaupunkissa šajekuun 21.päivänä .Tämä päivä ei ole šattumalta valittu – šajekuun kolmannella netälillä vietetäh Šuomelaisugrilaisien kanšojen heimopäivie .
Karjala esittäy Tverin alovehella parašta kokemušta nykyajan etnokulttuurikehitykšen alalla šekä karjalaisien kanšalaisjärještöjen merkillisie sosiališuavutukšie , kirjallisutta kanšalliskielillä ta perintehellisien tienestien aikahšuantija , taitokollektiivien luomismahollisukšie šekä tašavallan pohattua istorijua ta kulttuurie .
Šamoin KT :n Kanšallisušpolitiikan ministerijö auttau järještyä Karjalan etuštajien ošallistumista Kanšainväliseh Tverinkarjalaiset : 400 vuotta Tverin mualla - tietokonferenšših , mi pietäh 18.–19.oraškuuta Lihoslavlissa .
ŠUOMELAIS-UGRILAISEN NUORISON FESTIVALI
Vuotena 2017 Karjalan tašavallan päivyä juhlitah kešäkuušša Aunukšen piirissä .
Tänä vuotena Tašavallan päivän ohjelman yhtenä merkittävimmistä tapahtumista on Karjalan tašavallan šuomelais-ugrilaisen nuorison festivali .Tietyšti , festivali ei tarkota ainuoštah gala-konserttie 10.kešäkuuta .Še on aikahšuantien tarkaššuš , mitä on toteutettu etnokulttuurikehitykšen alalla šekä šuomelaisugrilaisen nuorison šuvaiččevaisuon muovoštamini .
Šulakuušša festivalin rajoissa pietäh karjalan , vepšän ta šuomen kielien tietäjien kilpailu šekä video-kilpailu – še noštau nuorien kiinnoššušta Karjalan kantakanšojen kieleh ta kulttuurih .
VEPŠÄLÄISET
Vuosi 2017 on merkillini šamoin vepšäläisilläki .Niin , kevätkuun lopušša Karjalan delegatijo ošallistu Venäjän Federatijon Pohjosen , Siperin ta Kauko-Itän vähälukusien kantakanšojen forumih ta VIII kerähmöh Jamalin Salehardissa .
Vepšäläisien kulttuurišeuran alottehešta 23.–24.oraškuuta Petroskoissa pietäh seminari-praktikumi “Venäjän lakienluajinta vähä-lukusien kantakanšojen oikeukšista .Toteuttamispraktiikka ta keškenäisen vaikutukšen perspektiivit .”
ŠUOMELAIS-UGRILAISIEN KANŠOJEN KERÄHMÖ
Tämän vuuvven šajekuušša Siktivkarissa vietetäh VI Venäjän Federatijon šuomelaisugrilaisien kanšojen kerähmö , kumpaseh ošallistuu ni Karjalan delegatijo .Šitä ennein , 25.–26.oraškuuta , Petroskoissa järješšetäh Venäjän Federatijon šuomelais-ugr ilaisien kanšojen liiton neuvošton issunto , missä toisien kyšymykšien lisäkši käsitelläh tulijan Kerähmön järješšyškyšymykšie .
Šen lisäkši tašavallan kirjailijayhteykšen etuštajat otetah ošua Šuomelais-ugr ilaisien kirjailijien kongressih , mi pietäh elokuušša Virošša .
KOULULAISET
Petroskoissa vuuvven 2017 kešällä jo kolmatta kertua järješšetäh Nuorien tapuamini Karjalan mualla -etnokulttuurileiri .Še on tarkotettu koululaisilla , kumpaset opitah karjalan , vepšän , šuomen kieltä .Tänä vuotena leiri rupieu toimimah 5.–9.kešäkuuta ta šiih yhytäh koululaiset Karjalašta šekä Leningradin ta Vologdan alovehilta .
Tämän vuuvven pimiekuušša tašavallašša vietetäh ni perintehellisie Karjalaini starina - ta Vepšäläini starina -festivali-kilpailuja .Niijen tarkotukšena niise on kanšalliskielien popularisointi nuorison kešen .
Karjalan kantakanšojen aktiivini toiminta
карельский: собственно карельское наречие
Новописьменный севернокарельский