Тексты
Вернуться к списку | редактировать | удалить | Создать новый | История изменений | Статистика | ? Помощь
Natto Varpuni. Karjalan jalkapallourheilun 100-vuotispäiväkši
Natto Varpuni
Karjalan jalkapallourheilun 100-vuotispäiväkši
карельский: собственно карельское наречие
Новописьменный севернокарельский
Vuosi 2017 on
merkkivuosi Karjalan tašavallan jalkapallon istorijalla .Tänä vuotena juhli - tah Karjalan tašavallan jalka - pallon 100-vuotispäivyä .
Murmannin taival (Murmanski put’ ) -lehen numerošša 14.10.1917 oli pieni juttu enšimmäiseštä Petroskoissa pietyštä jalkapallopelistä : “Eklein , 13.šajekuuta , oli jalkapallokilpailut Petroskoin enšimmäisen Sport-jalkapallojoukon ta paikallisen Teologisen opiston kašvattien joukon välillä .Peli piettih kaupunkin Jamka-paikašša Aleksanterin tykkitehtahan vaštapiätä ta še kešti kakši tuntie .Voittajakši tuli Sport-joukko : 6:0.”Täštä višših šai oman alun Karjalan jalkopallourheilu .
Jalkapallon 100-vuotispäivän pruasniekkah kuulujie tapahtumie käsiteltih Karjalan tašavallan urheiluministerijön yhteiskunnallisen neuvošton issunnošša .Urheiluministerin varajohtaja Jevgeni Šorohov korošti , jotta jalkapallo on šuosituin ta tunnetuin urheilulaji koko muajilmašša .Karjalašša jalkapalluo harraštau 13459 ihmistä , kumpasista 1868 kuulutah Venäjän Jalkapalloliiton yhtehiseh luvetteloh .Karjalan tašavallan jalkapalloliitto on rekisteröity 2014 vuotena .Šen tarkotuš on kehittyä jalkapalluo ta kašvattua ammattilaisie urheilijie .Karjalan tašavallašša jalkapalluo pelatah miehet , naiset , lapšet , invalidit ta tämän urheilulajin veteranit , erikoisešti jalkapallo kehittyy ylioppilahien kešen .
Karjalan tašavallan jalkapalloliiton presidentti Aleksandr Smirnov tunnušti , jotta ylen kallis homma on kašvattua omie ammattilaisie jalkapallopeluajie .Tällä hetkellä Karjalašša ei ole omua ammattilaista jalkapallojoukkuo .Nyt järještö enemmän kehittäy jalkapalluo joukkourheiluna ta enemmän ruatau yheššä nuorison ta lapšien kera .Pienie jalkapallokenttie luajittih Karjalan eri puolilla ta äšen pienissä kylissä .Kipiekši kyšymykšekši jiäy katetun kentän rakentamini .Tämmöseštä urheiluobjektista paistih vielä 2008 vuotena .Petroskoissa olija katettu kenttä antais mahollisuon pelata jalkapalluo ympäri vuuvven .Yhteiskunnallisen neuvošton issunnon aikana Aleksandr Georgijevič uuvveštah kiänty Karjalan tašavallan urheiluministerin puoleh ta pyritti löytyä varua katetun jalkapallokentän rakentamiseh vaikkapa Karjalan jalkapallon 100-vuotisjuhlan rajoissa .
Karjalan jalkapallourheilun 100-vuotispäiväkši
карельский: собственно карельское наречие
Новописьменный севернокарельский