Тексты
Вернуться к списку | редактировать | удалить | Создать новый | История изменений | Статистика | ? Помощь
Alisa Gubareva. Kažit karjalazis ruutis
Alisa Gubareva
Kažit karjalazis ruutis
карельский: ливвиковское наречие
Новописьменный ливвиковский
Minun
Leena-tyttärel on kaksi kažii .Yhtel on 13 vuottu , sen nimi on St’oppi , a toizel on 8 vuottu , se on Kleopatra .Leena ylen äijäl suvaiččou omii kažiloi .Kažitgi suvaijah omua emändiä , ainos virutah Leenan rinnal .Häi sanou : “Hyö minun tervehytty parandetah .”
Joga vuottu Petroskois pietäh Kažiloin ozuttelu .Sinne tuvvahgi kažiloi toizis kohtis Karjalua da vie Piiterin alovehelpäi .
Leenan kažiloil on jo mondu palkinduo da vie annettih moizet kaunehet lentazil čomendetut merkit .
Nygöi kažiloi ruvettih šuorittamah ruuttazih .Leena ruadau Zoo-laukas myöjänny .Sie myvväh kaikenmostu sobastu kažiloih da koirih niškoi .
Mennyt vuon Leena sanoi minule :
– Pidäy omile kažiloile ommella sobazet .Mama , avvuta .
Minä olin ruavos päivykois , 20 vuottu opastin karjalan kieldy da kul’tuurua da vie ombelin lapsile da tyttizile karjalastu sobua .
Ombelin Leenan kažiloilegi toizetmoizet ruutat .Tänä vuon Leena sanoi , ku minä ombelizin karjalazet sovat .Kaččokkua mittumat roittih .Vai kažiloil on vaigei niidy piäle panna , ga Leena maltau heidy šuorittua .
Niilöile , ket oldih ozuttelus , roittih mieldy myö Leenan kažit da čomat karjalazet ruutat .
Kažit karjalazis ruutis
карельский: ливвиковское наречие
Новописьменный ливвиковский
–